செஸ் விளையாடிய முதல்வர் மு.க.ஸ்டாலின்

மாமல்லபுரம் செஸ் ஒலிம்பியாட் போட்டி நடைபெறும் அரங்கில் முதல்வர் மு.க.ஸ்டாலின் செஸ் விளையாடி மகிழ்ந்தார்.

சர்வதேச செஸ் ஒலிம்பியாட் போட்டி நாளை (ஜுலை 28) தொடங்கும் நிலையில் நேரில் ஆய்வு செய்த முதல்வர் செஸ் விளையாடினார்.

செஸ் ஒலிம்பியாட் போட்டியின் 44வது தொடர் சென்னை அருகே உள்ள மாமல்லபுரத்தில் நாளை (ஜூலை 28) தொடங்கி ஆகஸ்ட் 10 ஆம் தேதி வரை நடைபெறுகிறது.

படிக்க | செஸ் ஒலிம்பியாட்: கருப்பு மையால் அழிக்கப்பட்ட மோடியின் படம்

180க்கும் மேற்பட்ட நாடுகளில் இருந்து சுமார் 2,000-க்கும் மேற்பட்ட வீரர், வீராங்கனைகள் இதில்  கலந்து கொள்ளவுள்ளனர்.   இதையொட்டி தமிழக அரசு சார்பில் ஏற்பாடுகள் செய்யப்பட்டுள்ளன.

ஒவ்வொரு பணிகளுக்கும் தனித்தனி அமைச்சர்கள், ஐஏஎஸ் அதிகாரிகளை முதல்வர் மு.க.ஸ்டாலின் நியமித்துள்ளார்.

இதன் தொடக்கவிழா நாளை (ஜூலை 28) மாலை, சென்னை ஜவாஹர்லால் நேரு உள்விளையாட்டு அரங்கில் நடைபெற இருக்கிறது.

படிக்க | சென்னையில் 'ஸ்ட்ரீட் வியூ': புதிய வசதியை அறிமுகப்படுத்தியது கூகுள் மேப்

இந்நிலையில், மாமல்லபுரத்தில் செஸ் ஒலிம்பியாட் போட்டி நடைபெறும் அரங்கத்தில் முதல்வர் மு.க.ஸ்டாலின் நேரில் ஆய்வு செய்தார். அப்போது அங்கிருந்த விளையாட்டு இருக்கையில் அமர்ந்து முதல்வர் மு.க.ஸ்டாலின் செஸ் விளையாடினார்.