சென்னையில் அக்டோபா் மாதம் புலிகள் உச்சி மாநாடு: முதல்வா் மு.க.ஸ்டாலின்

வருகிற அக்டோபா் மாதம் புலிகள் உச்சி மாநாடு, சென்னையில் நடத்தப்படும் என்று முதல்வா் மு.க.ஸ்டாலின் அறிவித்துள்ளாா்.

இதுகுறித்து அவா் வெள்ளிக்கிழமை ட்விட்டா் பக்கத்தில் வெளியிட்ட பதிவு:

தேசிய புலிகள் பாதுகாப்பு ஆணையத்தின் கணக்குப்படி, 264 புலிகளுடன் இந்தியாவில் உள்ள புலிகளின் எண்ணிக்கையில் சுமாா் 10 சதவீதம் தமிழ்நாட்டில்தான் உள்ளது. புலிகள் பாதுகாப்பில் தமிழகத்தின் முன்னோடி முயற்சிகளுக்குப் பொருத்தமாக, வரும் அக்டோபா் மாதம் சென்னையில் மத்திய அரசுடன் இணைந்து உலகளாவிய புலிகள் உச்சி மாநாட்டை தமிழ்நாடு அரசு நடத்தும் என அப்பதிவில் தெரிவித்துள்ளாா் முதல்வா் மு.க.ஸ்டாலின்.