தேசிய பத்திரிகையாளர் நாள்: முதல்வர் மு.க.ஸ்டாலின் வாழ்த்து

தேசிய பத்திரிகையாளர் நாளை முன்னிட்டு பத்திரிகையாளர்களுக்கு முதல்வர் மு.க.ஸ்டாலின் வாழ்த்து தெரிவித்துள்ளார். 

இந்திய பத்திரிகை கவுன்சில் தொடங்கப்பட்ட நவ. 16 ஆம் தேதி, தேசிய பத்திரிகை நாளாக 1996-ம் ஆண்டு முதல் கொண்டாடப்பட்டு வருகிறது. 

இந்நிலையில் தேசிய பத்திரிகை/பத்திரிகையாளர் நாளையொட்டி தலைவர்கள் பலரும் வாழ்த்து தெரிவித்து வருகின்றனர்.

இதையும் படிக்க | நாடாளுமன்றத் தேர்தல் கூட்டணி குறித்து ஆலோசனை: கமல்ஹாசன் தகவல்

முதல்வர் மு.க.ஸ்டாலின் தனது பதிவில், 'அவர் சொன்னார் - இவர் சொன்னார் என்று சொல்லாமல் உண்மை எது என்று மக்களுக்குச் சொல்வதே இதழியலின் அறம்! அறம் சார்ந்து செயல்படும் இதழியலாளர்களுக்கு வாழ்த்துகள்!' என்று கூறி 

சிறப்புஈனும் செல்வமும் ஈனும் அறத்தினூஉங்கு
ஆக்கம் எவனோ உயிர்க்கு

(குறளின் பொருள்: அறம் சிறப்பையும் அளிக்கும், செல்வத்தையும் அளிக்கும், ஆகையால் உயிர்க்கு அத்தகைய அறத்தை விட நன்மையானது வேறு யாது?)

என்ற திருக்குறளையும் குறிப்பிட்டுள்ளார்.