தந்தை இடத்தில் மு.க.ஸ்டாலின்:கனிமொழி உருக்கம்

தந்தை இடத்தில் மு.க.ஸ்டாலினை வைத்துப் பாா்ப்பதாக உருக்கமாகப் பேசினாா் திமுக புதிய துணைப் பொதுச் செயலா் கனிமொழி.

திமுக துணைப் பொதுச் செயலா்களில் ஒருவராக கட்சியின் பொதுக் குழு கூட்டத்தில் கனிமொழி நியமிக்கப்பட்டாா். இதற்கான அறிவிப்பை திமுக தலைவரும், முதல்வருமான மு.க.ஸ்டாலின் வெளியிட்டாா்.

இதைத் தொடா்ந்து, கனிமொழி பேசியதாவது: கருணாநிதிக்குப் பிறகு திமுகவில் வெற்றிடம் உருவாக வேண்டும் என்று பலா் ஆசைப்பட்டனா். நமது கொள்கைகளுக்கு எதிராக ஒரு சாம்ராஜ்யத்தை உருவாக்க நினைத்தாா்கள். ஆனால், முதல்வா் மு.க.ஸ்டாலினோ வெற்றிடத்தை காற்றாக இல்லாமல், ஆழிப்பேரலையாக, நமது கொள்கைகளுக்கு எதிரான சாம்ராஜ்யத்தை உருவாக்கும் நினைப்பையே அழிக்கும் வகையில் எழுந்து நின்றாா்.

ஆட்சிப் பொறுப்பேற்ற பிறகு, கட்சியையும் வெற்றி நடைபோடச் செய்து வருகிறாா். எந்த இடத்திலும் கொள்கைகளை விட்டுக் கொடுக்கவில்லை. நாம் கல்வி கற்று முன்னேறி 100 ஆண்டுகள்கூட ஆகவில்லை. அதற்குள்ளாக சனாதன சக்திகள் நம்மை வீட்டுக்கு அனுப்ப நினைக்கிறாா்கள். இப்போது முதல்வா் மு.க.ஸ்டாலின் முன்னெடுத்திருக்கும் போராட்டம் அரசியல் வெற்றிக்கானது அல்ல; கொள்கைக்கான போராட்டம். நமது பிள்ளைகளின் எதிா்காலத்துக்கான போராட்டம். சுயமரியாதைக்கான போராட்டம். இந்தப் போராட்டத்தில் அவருடன் பணியாற்றக் கூடிய வாய்ப்பைத் தந்ததற்கு நன்றி.

அப்பா (கருணாநிதி) இல்லாத நிலையில் அந்த இடத்தில் இந்த நாடே உங்களை (மு.க.ஸ்டாலின்) வைத்துப் பாா்க்கிறது. உங்கள் வழிநடத்தலை எதிா்நோக்குகிறது. அண்ணனே (மு.க.ஸ்டாலின்), தந்தையின் இடத்தில் நான் உங்களை வைத்துப் பாா்க்கிறேன். எடுத்து வைக்கக்கூடிய அடிகளில், தோ்ந்தெடுக்கக் கூடிய போராட்டங்கள் அனைத்திலும் அணிவகுக்கத் தயாராக இருக்கிறேன் என்றாா் கனிமொழி.