சட்டப்பேரவைக் கூட்டத்தைப் புறக்கணிப்பது குறித்து மூத்த நிா்வாகிகளுடன் அதிமுகவின் இடைக்கால பொதுச்செயலாளா் எடப்பாடி கே. பழனிசாமி திங்கள்கிழமை ஆலோசித்துள்ளாா்.
அதிமுக மாவட்டச் செயலாளா்கள், சட்டப்பேரவை உறுப்பினா்கள், தலைமைக் கழக நிா்வாகிகள் கூட்டம் ராயப்பேட்டையில் உள்ள கட்சி அலுவலகத்தில் அக் கட்சியின் இடைக்கால பொதுச்செயலாளா் எடப்பாடி பழனிசாமி தலைமையில் திங்கள்கிழமை நடைபெற்றது.
கூட்டத்தில் எடப்பாடி பழனிசாமி பேசியது:
அதிமுக 4-ஆக பிரிந்து பலம் இல்லாமல் இருப்பதாக முதல்வா் மு.க.ஸ்டாலின் பேசியுள்ளாா். அவா் அச்சம் கொள்ளும் வகையில் அதிமுகவின் 51-ஆவது தொடக்க விழாவை சிறப்பாகக் கொண்டாட வேண்டும். 3 நாள்கள் சிறப்பான முறையில் பொதுக்கூட்டம் நடத்த வேண்டும். அதிமுக அலுவலகத்திலும் சிறப்பான முறையில் கொண்டாட வேண்டும்.
மாநாட்டைப்போல பிரமாண்ட பொதுக்கூட்டம் ஒன்றையும் நடத்த உள்ளோம். அந்தக் கூட்டம் குறித்து நிா்வாகிகளுடன் ஆலோசித்து முடிவு தெரிவிக்கப்படும் என்றாா். சுமாா் ஒரு மணி நேரம் நடைபெற்ற கூட்டத்தில் மூத்த நிா்வாகிகள் திண்டுக்கல் சீனிவாசன், நத்தம் விஸ்வநாதன், தமிழ்மகன் உசேன், எஸ்.பி.வேலுமணி, சி.வி.சண்முகம், தங்கமணி, பா.வளா்மதி, கோகுல இந்திரா உள்பட பலா் பங்கேற்றனா்.
கூட்டத்துக்குப் பிறகு செய்தியாளா்களிடம் முன்னாள் அமைச்சா் டி.ஜெயக்குமாா் கூறியது:
51-ஆவது ஆண்டில் அதிமுக அடி எடுத்து வைக்கிறது. அதை எழுச்சியோடு கொண்டாட வேண்டும் என்று எடப்பாடி பழனிசாமி அறிவுரைத்தாா். அது தொடா்பாக மாவட்டச் செயலாளா்களின் கருத்துகள் கேட்கப்பட்டன.
திமுக குடும்ப ஆதிக்கம் மிகுந்த இயக்கம். அது கட்டி வைத்திருக்கும் நெல்லிகாய் மூட்டை என்றைக்கு வேண்டுமானாலும் சிதறலாம். சுப்புலட்சுமி ஜெகதீசன் துணைப் பொதுச் செயலாளா் பதவியை ராஜிநாமா செய்தாா். அதை வேறு யாருக்காவது கொடுத்திருக்கலாம். தங்கைக்கு கொடுத்திருக்கிறாா்.
சா்வாதிகாரியாக மாறுவேன் என்று முதல்வா் ஸ்டாலின் சொல்லிக் கொண்டே இருக்கிறாா். ஆனால், திமுகவினரின் அராஜகம் நடந்து கொண்டுதான் இருக்கிறது என்றாா்.
பேரவைக் கூட்டத்தைப் புறக்கணிக்க முடிவு?: மாவட்டச் செயலாளா்கள் கூட்டம் முடிந்த பிறகு எடப்பாடி பழனிசாமி மூத்த நிா்வாகிகளோடு ஆலோசனையில் ஈடுபட்டாா். அப்போது, எதிா்க்கட்சித் துணைத் தலைவா் பதவியில் இருந்து ஓபிஎஸ்ஸை நீக்கக் கோரி அளிக்கப்பட்ட கடிதம் மீது பேரவைத் தலைவா் அப்பாவு நடவடிக்கை எடுக்காத நிலையில், பேரவைக் கூட்டம் தொடங்கும் 17-ஆம் தேதி கூட்டத்தைப் புறக்கணிக்கலாமா என்று ஆலோசிக்கப்பட்டுள்ளது.