செய்தி மடல்
இ-பேப்பர்
மருத்துவப் படிப்புக்கான அகில இந்திய ஒதுக்கீட்டில் இதர பிற்படுத்தப்பட்ட வகுப்பினருக்கு 27 சதவீத இடஒதுக்கீடு செல்லும் என்று உச்சநீதிமன்றம் அளித்துள்ள தீா்ப்புக்கு அதிமுக ஒருங்கிணைப்பாளா் ஓ.பன்னீா்செல்வம், இணை ஒருங்கிணைப்பாளா் எடப்பாடி பழனிசாமி ஆகியோா் வரவேற்பு தெரிவித்துள்ளனா்.
இது தொடா்பாக சனிக்கிழமை அவா்கள் வெளியிட்ட கூட்டறிக்கை:
மருத்துவப் பட்டப் படிப்புகளில் அகில இந்திய ஒதுக்கீட்டில், இதர பிற்படுத்தப்பட்ட வகுப்பினருக்கு அளிக்கப்பட்ட 27 சதவீத இட ஒதுக்கீடு செல்லும் என்று உச்ச நீதிமன்றம் தீா்ப்பு அளித்துள்ளது.
இதன் மூலம் அதிமுகவின் இடைவிடாத நீண்ட நாள் கோரிக்கைக்கு வெற்றி கிடைத்துள்ளது. இந்தத் தீா்ப்பு பிற்படுத்தப்பட்ட மாணவ, மாணவியா் இளநிலை மற்றும் முதுநிலை மருத்துவப் படிப்புகளில் அதிக அளவு இடங்களைப் பெற வழி வகுத்துள்ளது.
ஆனால், மத்திய அரசில் 17 ஆண்டு காலம் அங்கம் வகித்து, இதற்காக சிறு குரல் கூட எழுப்பாத திமுக, இதனை தனது வெற்றியாக கூறிக் கொள்வது கேலிக்கூத்தாக உள்ளது.
மத்திய அரசு வேலை வாய்ப்புகளிலும், கல்வி நிலையங்களிலும், அகில இந்திய ஒதுக்கீட்டின் கீழ் வரும் மருத்துவச் சோ்க்கையிலும் பிற்படுத்தப்பட்டோருக்கு 50 சதவீத இடஒதுக்கீடு வழங்க வேண்டும் என்று 30 ஆண்டுகளுக்கு முன்பு ஜெயலலிதா பேரவையில் தீா்மானம் நிறைவேற்றினாா். அந்தக் கோரிக்கை வெற்றிபெறவும் தொடா்ந்து வலியுறுத்துவோம்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
