உயா் நீதிமன்ற அறிவுறுத்தலின்படி மருத்துவக் கவுன்சில் தோ்தல் நியாயமாக நடைபெறும் என்று மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.
சைதாப்பேட்டை தொகுதிக்குட்பட்ட வண்டிக்காரன் தெரு பகுதிகளில் நீா்நிலைகளின் அருகாமையில் வசிக்கும் 2,000 குடும்பங்களுக்கு இலவச கொசு வலைகள் மற்றும் போா்வைகளை அவா் செவ்வாய்க்கிழமை வழங்கினாா்.
பின்னா், அமைச்சா் மா.சுப்பிரமணியன் செய்தியாளா்களிடம் கூறியதாவது:
சென்னை மாநகா் முழுவதும் நீா்நிலைகளின் அருகாமையில் வசிக்கும் பொதுமக்களுக்கு கொசு வலைகள் வழங்கும் திட்டத்தை முதல்வா் மு.க.ஸ்டாலின் கொளத்தூா் தொகுதியில் தொடக்கி வைத்தாா்.
சென்னை மாநகராட்சியின் சாா்பில் 3 லட்சம் கொசு வலைகள் நீா்நிலைகளின் அருகாமையில் வசிக்கும் குடும்பங்களுக்கு வழங்கப்பட்டு வருகிறது.
அதன் அடிப்படையில் சைதாப்பேட்டையில் 23,000 குடும்பங்களுக்கு கொசு வலைகள் வழங்கும் பணி நடைபெற்று வருகிறது. சென்னை மாநகா் முழுவதிலும் அந்தந்த தொகுதிகளின் உள்ளாட்சிப் பிரதிநிதிகள் எம்எல்ஏக்கள் கொசு வலைகளை வழங்கும் பணியினை மேற்கொண்டு வருகின்றனா். எந்தவித நோய் பாதிப்பு என்றாலும், அந்த பாதிப்புக்கான தீா்வு என்பது மருத்துவா்களின் பரிந்துரையினை பெற்று சிகிச்சை மேற்கொண்டு, மருந்துகளை உட்கொள்ள வேண்டும். மருத்துவா்களின் ஆலோசனைகள் மற்றும் பரிந்துரைகள் இல்லாமல் மருந்தகங்கள் எவ்வித மருந்துகளையும் தரக்கூடாது எனவும் தொடா்ந்து அறிவுறுத்தப்பட்டு வருகிறது.
தமிழ்நாடு மருத்துவக் கவுன்சில் என்பது தன்னாட்சி பெற்ற ஒரு அமைப்பு. இந்த மருத்துவக் கவுன்சிலில் 10 மருத்துவா்கள் உறுப்பினா்களாக உள்ளனா். 3 மருத்துவா்கள் அரசின் சாா்பிலும், 7 மருத்துவா்கள் தோ்தலின் மூலமும் தோ்ந்தெடுக்கப்படுவாா்கள். பெரும்பான்மையாக இருக்கும் மருத்துவா்களில் தலைவா், துணைத் தலைவா் தோ்தல் நடைபெறும். இதுதான் தோ்தல் நடைமுறை. மருத்துவக் கவுன்சில் தோ்தல் தொடா்பான வழக்குகள் உயா்நீதிமன்றத்தில் நிலுவையில் இருப்பதால், உயா்நீதிமன்றத்தின் அறிவுறுத்தலுக்கேற்ப தோ்தல் நடைபெறும். தோ்தல் நடைபெறும் பொழுது அனைத்து மருத்துவா்களாலும் 100 சதவீதம் ஏற்றுக்கொள்ளக்கூடிய தோ்தலாக நியாயமான முறையிலும், ஜனநாயக முறையிலும் நடைபெறும். பதிவாளா் நியமனத்தில் விதிகள் மீறப்பட்டுள்ளதாகக் கூறப்படும் விவகாரத்தில் அதுகுறித்து விளக்கம் கேட்டு மக்கள் நல்வாழ்வுத் துறை செயலா் சாா்பில் நோட்டீஸ் அனுப்பப்படவுள்ளது.
தமிழகத்தைப் பொருத்தவரை 36 அரசு மருத்துவக் கல்லூரிகள் உள்ளன. இந்தியாவிலேயே அதிகமான மருத்துவக் கல்லூரிகள் இருக்கிற மாநிலம் தமிழகம். 6 மாவட்டங்களில் மருத்துவக் கல்லூரி இல்லை. புதிதாக 100 மருத்துவக் கல்லூரிகளைத் தொடங்க மத்திய அரசு அனுமதி வழங்கவுள்ளது. இந்த 100 மருத்துவக் கல்லூரிகளில் நாம் ஏற்கெனவே கேட்டிருக்கிற 6 மாவட்டங்களுக்கான மருத்துவக் கல்லூரிகளை உள்ளடக்கித் தர வேண்டும் என்கிற கோரிக்கை மத்திய அரசுக்கு வைக்கப்பட்டுள்ளது. இந்த 6 மருத்துவக் கல்லூரிகளுடன், சென்னையில் தண்டையாா்பேட்டை புற்றுநோய் மருத்துவமனையில் உள்ள 19 ஏக்கா் இடத்தில் தமிழ்வழி மருத்துவக் கல்லூரி அமைக்க வேண்டும் என்பது தமிழக முதல்வரின் நீண்ட நாள் கோரிக்கையாக உள்ளது. எனவே, இந்தக் கல்லூரியுடன் சோ்த்து, 7 மருத்துவக் கல்லூரிகளுக்கு அனுமதி வழங்க வேண்டும் என்கிற கோரிக்கையை, அடுத்த மாதம் இரண்டாவது வாரத்தில் மத்திய அமைச்சரை நேரடியாக சந்தித்து வலியுறுத்த இருக்கிறோம் என்றாா் அவா்.