திருப்பத்தூரில் திங்கள்கிழமை ரூ.74 கோடி மதிப்பில் நலத் திட்ட உதவிகள்
அமைச்சர் உதயநிதி ஸ்டாலின் வழங்கினார்.
திருப்பத்தூர் வட்டம்,ஜோலார்பேட்டை அடுத்த மண்டலவாடி பகுதியில் திங்கள்கிழமை மாநில இளைஞர் நலன் மற்றும் விளையாட்டு மேம்பாட்டுத் துறை அமைச்சர் உதயநிதி ஸ்டாலின் பங்கேற்று 14,253 பயனாளிகளுக்கு ரூ.73 கோடி 96 லட்சத்து 70 ஆயிரத்து 843 மதிப்புள்ள நலத்திட்ட உதவிகளை வழங்கினார்.
நிகழ்ச்சிக்கு, நெடுஞ்சாலை, பொதுப்பணி மற்றும் சிறு துறைமுகங்கள் துறை அமைச்சர் எ.வ.வேலு தலைமை வகித்தார். ஆட்சியர் தெ.பாஸ்கர பாண்டியன் வரவேற்றார்.
சி.என்.அண்ணாதுரை எம்பி,மாவட்டச் செயலரும், ஜோலார்பேட்டை எம்எல்ஏவுமான க.தேவராஜ், எம்எல்ஏ-க்கள் அ.நல்லதம்பி(திருப்பத்தூர்), அ.செ.வில்வநாதன்(ஆம்பூர்)ஆகியோர் முன்னிலை வகித்தனர்.
இதில், வருவாய், பொது மருத்துவம், வேளாண், நெடுஞ்சாலை உள்பட அனைத்து துறை அரசு அலுவலர்கள், மாவட்ட, நகர, ஒன்றிய கட்சி நிர்வாகிகள், பயனாளிகள், பொதுமக்கள் கலந்துகொண்டனர்.