ஜெயிலா் இசை வெளியீட்டு விழா அலங்காரப் பணி: மின்சாரம் பாய்ந்து தொழிலாளி பலத்த காயம்

 ஜெயிலா் இசை வெளியீட்டு விழாவுக்காக அலங்காரம் செய்யும் பணியில் ஈடுபட்டபோது, மின்சாரம் பாய்ந்ததில் தொழிலாளி பலத்த காயமடைந்தாா்.

இயக்குநா் நெல்சன் இயக்கத்தில் நடிகா் ரஜினிகாந்தின் நடிப்பில் உருவாகி வரும் ஜெயிலா் திரைப்படத்தின் இசை வெளியீட்டு விழா பெரியமேடு நேரு உள் விளையாட்டரங்கில் வெள்ளிக்கிழமை (ஜூலை 28) நடைபெற உள்ளது.

இதற்காக பிரம்மாண்ட மேடை அமைக்கும் பணியும் அலங்காரம் செய்யும் பணியும் வியாழக்கிழமை நடைபெற்றது.

இந்தப் பணியில் சென்னை அமைந்தகரையில் வசிக்கும் அஸ்ஸாம் மாநிலத்தைச் சேரந்த சங்கா் மாலா (26) என்ற தொழிலாளி ஈடுபட்டிருந்தாா். சுமாா் 15 அடி உயரத்தில் நின்று மின்விளக்கு பொருத்தும் பணியில் ஈடுபட்டபோது, அவா் மீது திடீரென மின்சாரம் பாய்ந்து. இதில், அவா் நிலைத்தடுமாறி கீழே விழுந்ததில் பலத்த காயமடைந்தாா்.

இதையடுத்து அவா் ராஜீ வ்காந்தி அரசு மருத்துவமனையில் சோ்க்கப்பட்டாா். இது தொடா்பாக பெரியமேடு போலீஸாா் விசாரித்து வருகின்றனா்.