முதல்வர் மு.க. ஸ்டாலின் தலைமையில் திமுக மாவட்டச் செயலாளர்கள் கூட்டம் இன்று (நவ. 26) காலை தொடங்கியது.
சென்னை தியாகராய நகரிலுள்ள விடுதியில் நடைபெற்று வரும் இந்தக் கூட்டத்தில், எதிர்வரும் மக்களவைத் தோ்தலையொட்டி, வாக்குச் சாவடி பொறுப்பாளா்கள், உறுப்பினா்களின் பணிகள் குறித்து விவாதிக்கப்பட உள்ளது.
சேலத்தில் திமுக இளைஞரணியின் 2-ஆவது மாநில மாநாடு, டிச.17-ஆம் தேதி நடைபெறவுள்ள நிலையில், அதுகுறித்தும் இந்த மாநாடு குறித்து விவாதிக்கப்பட உள்ளது.
இதனைத் தொடர்ந்து இளைஞரணியின் மாவட்ட, மாநகர, மாநில அமைப்பாளா்களின் ஆலோசனைக் கூட்டம் சென்னை அன்பகத்தில் இன்று (நவ. 26) ஞாயிற்றுக்கிழமை மாலை 5 மணிக்கு நடைபெறவுள்ளது குறிப்பிடத்தக்கது.