வணிக பயன்பாட்டுக்கான 19 கிலோ எடை கொண்ட சமையல் எரிவாயு சிலிண்டா் விலை ரூ.157.50 குறைக்கப்பட்டுள்ளது.
இதுதொடா்பாக மத்திய அரசுக்குச் சொந்தமான எரிபொருள் விற்பனை நிறுவனங்கள் வெள்ளிக்கிழமை வெளியிட்ட அறிவிப்பை தொடா்ந்து, சென்னையில் அந்த சிலிண்டா் ஒன்றின் விலை ரூ.1,695.50-ஆக குறைந்தது.
பெட்ரோல், டீசல் விலையில் தொடா்ந்து 17-ஆவது மாதமாக எந்த மாற்றமும் இல்லை. சென்னையில் ஒரு லிட்டா் பெட்ரோல் ரூ.102.63, ஒரு லிட்டா் டீசல் விலை 94.24-க்கு வெள்ளிக்கிழமை விற்பனையானது.
விமான எரிபொருள் விலை 14 சதவீதம் அதிகரிக்கப்பட்டுள்ளது. அந்த எரிபொருளின் விலை கிலோலிட்டருக்கு ரூ.13,911 உயா்த்தப்பட்ட நிலையில், சென்னையில் ஒரு கிலோலிட்டா் விமான எரிபொருளின் விலை ரூ.1,16,581-ஆக அதிகரித்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.