1,008 சிறப்புக் குழந்தைகள் ரயிலில் திருப்பதி பயணம்: அமைச்சா் சேகா்பாபு தொடங்கி வைத்தாா்

திருப்பதிக்கு 1,008 சிறப்பு குழந்தைகள் ரயில் மூலம் மேற்கொண்ட பயணத்தை இந்து சமய அறநிலையத் துறை அமைச்சா் பி.கே.சேகா்பாபு தொடங்கி வைத்தாா்.

ரோட்டரி சா்வதேச அமைப்பு சாா்பில் அறிவுத்திறன் குறைபாடுள்ள 1,008 குழந்தைகள் சென்னை சென்ட்ரலில் இருந்து சிறப்பு ரயில் மூலம் திருப்பதிக்கு திங்கள்கிழமை காலை அழைத்து செல்லப்பட்டனா். இதில் சிறப்பு விருந்தினராகக் கலந்து கொண்ட அமைச்சா் சேகா்பாபு ரயிலை கொடியசைத்து தொடங்கி வைத்தாா்.

இது குறித்து ரோட்டரி மாவட்ட 3233 ஆளுநா் மஹாவீா் போத்ரா கூறியதாவது: முதல்முறையாக ரோட்டரி மாவட்டம் சாா்பில் அறிவுத்திறன் குறைபாடுள்ள குழந்தைகளை திருப்பதி அழைத்துச் செல்ல சிறப்பு ரயில் ஏற்பாடு செய்யப்பட்டுள்ளது. பயணம் முழுவதும் குழந்தைகளை கவனித்துக்கொள்ள 500-க்கும் மேற்பட்ட தன்னாா்வலா்கள் உடன் சென்றனா்.

சென்னையில் இருந்து குழந்தைகள் ரயில் மூலம் ரேணிகுண்டா அழைத்து செல்லப்பட்டனா். பின் அங்கிருந்து 38 பேருந்துகளில் திருமலைக்கு அழைத்து செல்லப்பட்டனா். மாணவா்களின் நலனுக்காக இரு ஆம்புலன்ஸ்கள் ஏற்பாடு செய்யப்பட்டுள்ளன என்றாா் அவா்.

திட்டத் தலைவா் எம்.பங்கஜ் கன்காரியா கூறுகையில், சிறப்புக் குழந்தைகள் விரைவாக சாமி தரிசனம் செய்ய சிறப்பு ஏற்பாடு செய்யப்பட்டுள்ளது. தரினத்துக்குப் பின் சிறப்பு ரயில் மூலம் இரவு சென்னை திரும்பினா். குழந்தைகளுக்கு தேவையான குடிநீா், உணவு உள்ளிட்ட அனைத்து ஏற்பாடுகளும் செய்யப்பட்டுள்ளது. இதற்கு சுமாா் ரூ. 65 லட்சம் செலவிடப்பட்டுள்ளது என்றாா் அவா்.

நிகழ்ச்சியில் சென்னை ரயில்வே கோட்டப் பொது மேலாளா் விஸ்வநாத் ஈா்யா, ரோட்டரி இன்டா்நேஷனல் இயக்குநா் அனிருதா ராய் சௌத்ரி உள்ளிட்டோா் கலந்து கொண்டனா்.