நடிகர் விஜய்யின் தமிழக வெற்றிக் கழகத்துடன் கூட்டணி வைக்கப்படுமா என்ற கேள்விக்கு மக்கள் நீதி மய்யம் தலைவர் கமல்ஹாசன் பதிலளித்துள்ளார்.
சென்னை ஆழ்வார்பேட்டையில் உள்ள மக்கள் நீதி மய்யம் தலைமை அலுவலகத்தில் கட்சியின் 7-ஆம் ஆண்டு துவக்க விழா கொண்டாடப்பட்டு வருகின்றது.
இந்த விழாவுக்கு வருகை தந்த கட்சியின் தலைவர் கமல்ஹாசன் செய்தியாளர்களை சந்தித்து அவர்களின் கேள்விகளுக்கு பதிலளித்தார்.
அப்போது விஜய் முழு நேர அரசியலுக்கு வருவது குறித்தும், அவருடன் கூட்டணி குறித்த கேள்விக்கு, ”சினிமாவைவிட்டு முழு நேர அரசியலில் இறங்குவது அவர் இஷ்டம். அது அவரின் பாணி. நான் விஜய்யுடன் ஏற்கெனவே பேசியுள்ளேன், அவர் அரசியலுக்குள் நுழைந்ததும் முதல் வரவேற்பு என்னுடையதாகதான் இருந்தது.” என்று கமல் பதிலளித்தார்.
மேலும், கூட்டணி குறித்த பேச்சுவார்த்தை நடைபெற்று வருவதாகவும், இறுதியானவுடன் அறிக்கை வெளியிடப்படும் என்றும் கமல் தெரிவித்தார்.
