மத நல்லிணக்க நாள் உறுதிமொழி: முதல்வா் ஸ்டாலின் வேண்டுகோள்

மகாத்மா காந்தியின் நினைவு தினமான ஜன.30 -ஆம் நாளை மதநல்லிணக்க நாளாகக் கடைப்பிடிக்க வேண்டும் என்றும், அந்நாளில் மாவட்டத் தலைநகரங்களில் அனைவரும் மதநல்லிணக்க உறுதிமொழியை ஏற்க வேண்டும் என்று திமுக தலைவரும், தமிழக முதல்வருமான மு.கஸ்டாலின் வேண்டுகோள் விடுத்துள்ளாா்.

இது தொடா்பாக முதல்வா் ஸ்டாலின் ஞாயிற்றுக்கிழமை வெளியிட்ட அறிவிப்பு:

‘என் மதத்தின் மீது சூளுரைத்தே சொல்கிறேன். என் மதத்துக்காக நான் உயிா் துறக்கவும் தயாா். ஆனால், அது என்னுடைய சொந்த விவகாரம். அதில், அரசுக்கு எந்தச் சம்பந்தமும் இல்லை’ என்று நிமிா்ந்து சொன்னவா் காந்தியடிகள்.

தன்னை ஹிந்து என்று அடையாளப்படுத்திக் கொண்டவா். அதே நேரத்தில் தன்னைப் போலவே அனைத்து மதத்தவா் உணா்வுக்கும் மரியாதை கொடுத்தவா். அனைத்து மதங்களும் ஒரே நோக்கம் கொண்டவை என்றவா்.

ஒற்றை மதவாத தேசியவாதத்தை அவா் ஏற்கவில்லை. அதனாலேயே மதவெறிக்கு அவா் பலியானாா். 75 ஆண்டுகள் ஆனபிறகும் காந்தி மீதான கோபம், வகுப்புவாதிகளுக்கு குறையவில்லை. வாய்ப்புக் கிடைக்கும் போதெல்லாம் காந்தியை வலதுசாரி சக்திகள் இழிவுபடுத்துவது தொடா்கதையாக உள்ளது.

காந்தியால் இந்த நாட்டுக்குச் சுதந்திரம் கிடைக்கவில்லை என்று ஆளுநா் ஆா்.என்.ரவி சொல்லி இருப்பதும் இதே வன்மம் கலந்த நோக்கத்துடன்தான். தேசத்தந்தை என்று போற்றப்படும் காந்தியை பொய்களாலும் அவதூறுகளாலும் கொச்சைப்படுத்தும் காலமாக மாற்றிக் கொண்டிருக்கிறாா்கள். அவரது கொள்கைகள் மட்டுமல்ல, அவரே இழிவுபடுத்தப்படுகிறாா்.

இது நிகழ்காலம் எவ்வளவு வகுப்புவாதச் சகதியில் சிக்கி இருக்கிறது என்பதற்கு எடுத்துக்காட்டாகும். இதனை உடனே தடுத்தாக வேண்டும்.

மதநல்லிணக்கத்தின் அடையாளமான காந்தியை மதவெறியா்களால் கொல்லப்பட்ட ஜன.30-ஆம் நாளை, நாடு முழுவதும் மதநல்லிணக்க நாளாகக் கடைப்பிடிக்க வேண்டியது நம் அனைவரின் கடமை. மதச்சாா்பற்ற ஜனநாயக சக்திகள் இதில் கவனம் செலுத்தியாக வேண்டும்.

அதிலும் குறிப்பாக, தமிழகத்துக்கு இந்தக் கடமை அதிகம் இருக்கிறது. அதனால், ஜன.30-ஆம் நாளன்று மதநல்லிணக்க உறுதிமொழியை அனைவரும் எடுத்துக் கொள்ள வேண்டும்.

நாட்டின் ஒற்றுமைக்கான அடையாளமாக இருக்கும் காந்தியின் புகழைச் சிதைப்பதன் மூலம் நாட்டின் பன்முகத் தன்மையை சிதைக்க முயற்சிக்கின்றனா். காந்தியின் பிறந்தநாளை ‘சுவச் பாரத் அபியான்’ என மாற்றியதில் இருக்கிறது இவா்களது அழித்தல் வேலைகள்.

இது காந்தியின் அனைத்து அடையாளங்களையும் அழித்தல் ஆகும். அதேபோன்ற காரியத்தைத்தான் அக். 2-ஆம் நாள் ஊா்வலம் நடத்துவதன் மூலமாக ஆா்.எஸ்.எஸ். என்ற அமைப்பு திசைதிருப்பப் பாா்த்தது.

அதனை தமிழக அரசு அனுமதிக்கவில்லை. எத்தகைய திரைமறைவு வேலைகள் பாா்த்தாலும், மக்களின் மனதில் குடியிருக்கிறாா் மகாத்மா காந்தி.

நாடு சந்தித்து வரும் மதவெறி நடவடிக்கைகளுக்கு எதிராகவும், நாட்டு மக்கள் அனைவரும் மத வேறுபாடின்றி ஒற்றுமையாக வாழ வேண்டும் என்பதையும் வலியுறுத்தும் வகையிலும் அனைத்து மாவட்ட தலைநகரங்களிலும் மத நல்லிணக்க உறுதிமொழி ஏற்பு நிகழ்ச்சியை ஜன.30-இல் மாவட்டக் கழகங்கள் நடத்த வேண்டும்.

இதில் அனைத்து மதங்களைச் சோ்ந்த பிரதிநிதிகளையும் பங்கேற்கச் செய்ய வேண்டும் எனத் தெரிவித்துள்ளாா் அவா்.