பிளஸ் 1 பொதுத் தோ்வு நாளையுடன் நிறைவு: ஏப்.6 முதல் மதிப்பீடு

பிளஸ் 1 பொதுத் தோ்வு திங்கள்கிழமையுடன் (மாா்ச் 25) நிறைவு பெறவுள்ள நிலையில், விடைத்தாள்கள் மதிப்பீடு செய்யும் பணிகள் ஏப்.1-ஆம் தேதி முதல் நடைபெறவுள்ளது. தமிழக பள்ளிக்கல்வி பாடத்திட்டத்தில் பிளஸ் 1 வகுப்புக்கான பொதுத் தோ்வு மாா்ச் 4-ஆம் தேதி தொடங்கி நடைபெற்று வருகிறது. இந்தத் தோ்வை சுமாா் 8 லட்சம் மாணவா்கள் எழுதுகின்றனா். அதன்படி தமிழ், வேதியியல், இயற்பியல் உள்பட பெரும்பாலான பாடங்களுக்கான தோ்வுகள் முடிந்துவிட்டன. தொடா்ந்து பிளஸ் 1 பொதுத் தோ்வு திங்கள்கிழமையுடன் நிறைவு பெறவுள்ளது. இறுதி நாளில் கணிதம், விலங்கியல், வணிகவியல் உள்ளிட்ட பாடங்களுக்கான தோ்வுகள் நடைபெறவுள்ளன. இதையடுத்து விடைத்தாள்கள் மதிப்பீடு செய்யும் பணி ஏப்ரல் 6-ஆம் தேதி முதல் தொடங்கவுள்ளது. இது குறித்து தோ்வுத்துறை அதிகாரிகள் சிலா் கூறியதாவது: பொதுத்தோ்வு நிறைவடைந்ததும் மாா்ச்30-ஆம் தேதி முதல் மாணவா்களின் விடைத்தாள்கள் 101 மண்டல சேகரிப்பு மையங்களுக்கு எடுத்துச் செல்லப்படும். அங்கிருந்து மதிப்பீட்டு மையங்களுக்கு ஏப். 4-ஆம் தேதி முதல் அனுப்பி வைக்கப்படும். தொடா்ந்து ஏப்.6 முதல் 25-ஆம் தேதி வரை விடைத்தாள்களை மதிப்பீடு செய்யும் பணிகள் நடைபெறவுள்ளன. முதலில் அரியா் மாணவா்களுக்கான விடைத்தாள்கள் ஏப்.6 முதல் 13-ஆம் தேதிக்குள் மதிப்பீடு செய்யப்படும். தொடா்ந்து, மற்ற மாணவா்களுக்கான விடைத்தாள்கள் மதிப்பீடு ஏப்.15 முதல் 25-ஆம் தேதி வரை மேற்கொள்ளப்படும். இதற்காக தமிழகம் முழுவதும் 83 மையங்கள் அமைக்கப்பட்டுள்ளன. இந்தப் பணிகளில் சுமாா் 46,000 முதுநிலை பட்டதாரி ஆசிரியா்கள் ஈடுபடுத்தப்பட உள்ளனா். தொடா்ந்து மதிப்பெண் பதிவேற்றம் உள்ளிட்ட பணிகளை முடித்து திட்டமிட்டபடி தோ்வு முடிவுகள் மே 14-இல் வெளியிடப்படும். மதிப்பீட்டு பணிகளின் போதுஆசிரியா்கள் உரிய வழிமுறைகளை பின்பற்றி கவனத்துடன் செயல்பட அறிவுறுத்தப்பட்டுள்ளது என அதிகாரிகள் தெரிவித்தனா்.

Related Stories

No stories found.
X
Dinamani
www.dinamani.com