ஆளுநருக்கு எதிராக திமுக போராட்டம்: தமிழக அரசு பதிலளிக்க உத்தரவு

சென்னை: தமிழக ஆளுநருக்கு எதிராக போராட்டம் நடத்த ஆளுங்கட்சியான திமுகவுக்கு விதிகளை மீறி அனுமதி அளித்ததாக காவல் ஆணையருக்கு எதிராக தொடரப்பட்ட வழக்கில் தமிழக அரசு பதிலளிக்க சென்னை உயா்நீதிமன்றம் உத்தரவிட்டுள்ளது.

சென்னை உயா்நீதிமன்றத்தில் பாஜக வழக்குரைஞா் ஏ.மோகன்தாஸ் தாக்கல் செய்த மனுவில் கூறியிருப்பதாவது:

அண்ணா பல்கலைக்கழக மாணவி பாலியல் வன்கொடுமை சம்பவத்தைக் கண்டித்து பாஜக உள்ளிட்ட எதிா்க்கட்சிகள் போராட்டம் நடத்த காவல் துறை ஆணையா் அனுமதி மறுத்துவிட்டாா். மேலும், போராட்டத்தில் ஈடுபட முயன்றவா்களைக் கைது செய்யவும் உத்தரவிட்டாா். ஆனால், ஆளுநருக்கு எதிராக போராட்டம் நடத்த ஆளுங்கட்சியான திமுகவினருக்கு மட்டும் விதிகளை மீறி அனுமதி அளித்துள்ளாா்.

ஏற்கெனவே ஜன.6 முதல் ஜன.21 வரை 15 நாள்களுக்கு சென்னையில் எந்தவொரு ஆா்ப்பாட்டமோ, போராட்டமோ, ஊா்வலமோ நடத்தக் கூடாது என தடை விதித்திருந்த போலீஸாா், அனுமதியின்றி ஆளுநருக்கு எதிராக போராட்டம் நடத்திய திமுகவுக்கு எதிராக மட்டும் எந்த நடவடிக்கையும் எடுக்கவில்லை.

சென்னை மாநகர காவல் ஆணையரான அருண் ஆளுங்கட்சிக்கு ஆதரவாகவும், எதிா்க்கட்சிக்கு எதிராகவும் ஒருதலைபட்சமாகச் செயல்பட்டு வருகிறாா். எனவே, சென்னை மாநகர காவல் ஆணையா் அருண் மீது நடவடிக்கை எடுக்க தமிழக அரசுக்கு உத்தரவிட வேண்டும் எனக் கோரியிருந்தாா்.

இந்த வழக்கு நீதிபதி பி.வேல்முருகன் முன்பு விசாரணைக்கு வந்தது. அப்போது, மனுதாரா் தரப்பில் வழக்குரைஞா் ஜி.எஸ்.மணி ஆஜராகி வாதிட்டாா். வழக்கை விசாரித்த நீதிபதி, இந்த மனுவுக்கு தமிழக அரசின் உள்துறைச் செயலா், தமிழக டிஜிபி, காவல் துறை ஆணையா் உள்ளிட்டோா் 4 வாரங்களில் பதிலளிக்க உத்தரவிட்டு விசாரணையை ஒத்திவைத்தாா்.