மணிப்பூரில் கடந்த மூன்று நாள்களில் கள்ளச்சாராயம் அருந்தி 8 பேர் பலி! இந்திய கபடி அணி முன்னாள் கேப்டன் யத்விந்தர் சிங் ஆம் ஆத்மியில் இணைவு! கொளத்தூர் எம்.எல்.ஏ. வி.எஸ். பாபுவின் உடல் தகனம்! குடியரசு துணைத் தலைவர் வருகை: சென்னையில் நவ. 21, 22 தேதிகளில் போக்குவரத்து மாற்றம் திருப்பரங்குன்றம் விவகாரம்; முதல்வர் விஜய்க்கு மு.க. ஸ்டாலின் கேள்வி!குட்கா முறைகேடு வழக்கு: சி. விஜயபாஸ்கர் மனு வாபஸ் மதுரை நகைக்கடை கொள்ளை வழக்கு: நிஷாந்தின் நீதிமன்றக் காவல் மேலும் நீட்டிப்பு ஒரே நேரத்தில் பணியாளர்கள் ராஜிநாமா செய்தனரா? வழிகாட்டுதல் தமிழ்நாடு விளக்கம்திருப்பரங்குன்றம் தூணில் தீபம் ஏற்ற அனுமதி! உச்ச நீதிமன்றத்தின் முக்கிய நிபந்தனைகள்!!

சாலை விபத்தில் உயிரிழந்த மென் பொறியாளா் குடும்பத்துக்கு ரூ.2.11 கோடி இழப்பீடு வழங்க உத்தரவு

கடந்த 2025-ஆம் ஆண்டு நடந்த சாலை விபத்தில் உயிரிழந்த மென்பொறியாளரின் குடும்பத்தினருக்கு ரூ.2.11 கோடி இழப்பீடு வழங்க தனியாா் காப்பீட்டு நிறுவனத்துக்கு சென்னையில் உள்ள மோட்டாா் வாகன விபத்துகளுக்கான இழப்பீட்டுத் தீா்ப்பாயம் உத்தரவிட்டுள்ளது.

சாலை விபத்து

Updated On :

கடந்த 2025-ஆம் ஆண்டு நடந்த சாலை விபத்தில் உயிரிழந்த மென்பொறியாளரின் குடும்பத்தினருக்கு ரூ.2.11 கோடி இழப்பீடு வழங்க தனியாா் காப்பீட்டு நிறுவனத்துக்கு சென்னையில் உள்ள மோட்டாா் வாகன விபத்துகளுக்கான இழப்பீட்டுத் தீா்ப்பாயம் உத்தரவிட்டுள்ளது.

திருவள்ளூா் மாவட்டம் பாடியநல்லூரைச் சோ்ந்தவா் பாலாஜி. மென் பொறியாளரான இவா், கடந்த 2025-ஆம் ஆண்டு பிப்.11-ஆம் தேதி செங்குன்றம் நெல் அரிசி திருமண மண்டபம் அருகே இருசக்கர வாகனத்தில் சென்று கொண்டிருந்தாா். அப்போது அந்த வழியாக வந்த லாரி மோதிய விபத்தில், பாலாஜி சம்பவ இடத்திலேயே உயிரிழந்தாா். இதையடுத்து, பாலாஜியின் தாயாா் தேவி, தந்தை வெங்கடேசன், சகோதரி கீா்த்தனா ஆகியோா், ரூ.3.50 கோடி இழப்பீடு கோரி சென்னையில் உள்ள மோட்டாா் வாகன விபத்துகளுக்கான இழப்பீட்டுத் தீா்ப்பாயத்தில் வழக்குத் தொடா்ந்தனா்.

இந்த வழக்கை நீதிபதி மதுசூதனன் விசாரித்தாா். பின்னா், இந்த விபத்துக்கு லாரி ஓட்டுநரின் அலட்சியமே காரணம் எனக்கூறி, விபத்தில் உயிரிழந்த பாலாஜியின் குடும்பத்தினருக்கு ரூ.2.11 கோடி இழப்பீடு வழங்க வேண்டும் என ராயல் சுந்தரம் ஜெனரல் காப்பீட்டு நிறுவனத்துக்கு நீதிபதி உத்தரவிட்டாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.