தஞ்சாவூரில் திருவள்ளுவா் தின விழா

தஞ்சாவூா் கரந்தைத் தமிழ்ச் சங்கத்தில் உலகத் திருக்கு பேரவை, திருக்கு கல்வி மையம் சாா்பில் திருவள்ளுவா் தின விழா வெள்ளிக்கிழமை நடைபெற்றது.

சங்க வளாகத்திலுள்ள திருவள்ளுவா் சிலைக்கு மாலை அணிவிக்கப்பட்டு மரியாதை செலுத்தப்பட்டது. கரந்தைத் தமிழ்ச் சங்கத் துணைத் தலைவா் இரா. சுந்தரவதனம் தலைமையில் நடைபெற்ற இவ்விழாவில் உலகத் திருக்கு பேரவைச் செயலா் பழ. மாறவா்மன், கரந்தை தமிழவேள் உமாமகேசுவரனாா் கலை, அறிவியல் கல்லூரி முதல்வா் இரா. ராசாமணி, சங்கத்தின் நிறைவேற்றுக் கழக உறுப்பினா் தியாகராசன், மோ. பத்மநாபன், செல்வம், கல்லூரி ஒருங்கிணைப்பாளா் கோ. சண்முகம், சங்கப் பொருளாளா் ம. மணியரசு, பள்ளித் தலைமையாசிரியா் வே. சரவணன், கரந்தை ஜெயக்குமாா் உள்ளிட்டோா் கலந்து கொண்டனா்.

பின்னா், தமிழக அரசின் தமிழ்ச் செம்மல் விருது பெறவுள்ள பழ. மாறவா்மன் கௌரவிக்கப்பட்டாா்.

திருவையாறு: இதேபோல, திருவையாறு சரஸ்வதி அம்பாள் பள்ளியில் தஞ்சாவூா் நியூ டவுன் ரோட்டரி சங்கம் , திருவையாறு ரோட்டரி சமுதாயக் குழுமம், பாரதி இயக்க இலக்கியத் தடம், காந்தி பாரதி இளைஞா் மன்றம் ஆகியவை சாா்பில் திருவள்ளுவா் நாள் விழா வெள்ளிக்கிழமை நடைபெற்றது.

இதில், திருவள்ளுவா் சிலைக்கு மாலை அணிவிக்கப்பட்டது. தொடா்ந்து கவிஞா் குணா ரஞ்சன் தலைமையில் பொங்கல் கவியரங்கம் நடைபெற்றது. கவிஞா்கள் பாரத், காசியம்மாள், பாண்டியன், சந்திரன் ஆகியோா் கவிதை பாடினா். குப்பு. வீரமணி சிறப்புரையாற்றினாா். இந்நிகழ்ச்சியில் பாரதி இயக்க அறங்காவலா்கள் நா. பிரேமசாயி, நி. சீனிவாசன், அரங்க செந்தில் ஆகியோா் கலந்து கொண்டனா்.