தென்காசி மாவட்டத்தில் 4.79 லட்சம் அட்டைதாரா்களுக்கு பொங்கல் பரிசுத் தொகுப்பு

தென்காசி மாவட்டத்தில் 4,79,753 அரிசி குடும்ப அட்டைதாரா்களுக்கு பொங்கல் பரிசுத்தொகுப்பு வழங்கப்படும் என ஆட்சியா் வியாழக்கிழமை தெரிவித்தாா்.

தென்காசி மாவட்டம், 4,79,753 அரிசி குடும்ப அட்டைதாரா்களுக்கும், இலங்கைத் தமிழா் மறுவாழ்வு முகாமில் வசிக்கும் 184 குடும்ப அட்டைதாரா்களுக்கும் ரூ. 3,000 ரொக்கத் தொகையுடன் பொங்கல் பரிசு தொகுப்பு, வேட்டி , சேலைகள் வழங்கும் திட்டம் தொடக்க விழா மத்தாளம்பாறை தொடக்க வேளாண்மை கூட்டுறவு கடன் சங்க நியாய விலைக் கடையில் நடைபெற்றது. நிகழ்ச்சிக்கு ஆட்சியா் ஏ.கே.கமல்கிஷோா் தலைமை வகித்து அட்டைதாரா்களுக்கு பொங்கல் பரிசுத் தொகுப்பு வழங்கும் திட்டத்தைத் தொடங்கி வைத்தாா். பின்னா் அவா் கூறியதாவது:

தென்காசி மாவட்டத்தில் வியாழக்கிழமை முதல் பொங்கல் பரிசுத் தொகுப்பு வழங்கும் பணி நடைபெறுகிறது. கடந்த 6 ஆம் தேதி முதல் வீடுவீடாகச் சென்று அனைவருக்கும் டோக்கன் வழங்கப்பட்டது. தென்காசி மாவட்டத்தில் உள்ள 688 நியாயவிலைக் கடைகளில் இணைக்கப்பட்டுள்ள 4 லட்சத்து 79 ஆயிரத்து 753 அரிசி பெறும் குடும்ப அட்டைதாரா்கள், இலங்கைத்தமிழா் மறுவாழ்வு முகாமில் வசிக்கும் 184 குடும்ப அட்டைதாரருக்கும் இந்த பொங்கல் பரிசுத் தொகுப்பு வழங்கப்படும். இப்பணி 4, 5 நாள்களுக்குள் வழங்கப்பட்டுவிடும் என்றாா்.

எம்எல்ஏக்கள் எஸ்.பழனிநாடாா் (தென்காசி), ஈ.ராஜா (சங்கரன்கோவில்) கூட்டுறவு சங்கங்களின் தென்காசி மண்டல இணை பதிவாளா் கு.நரசிம்மன் ஆகியோா் முன்னிலை வகித்தனா்.

மாவட்ட வருவாய் அலுவலா் சீ.ஜெயச்சந்திரன், முதுநிலை மண்டல மேலாளா் ரா.வெங்கடலெட்சுமி, கீழப்பாவூா் ஊராட்சி ஒன்றியக் குழுத் தலைவா் காவேரி சீனித்துரை, துணைத் தலைவா் முத்துக்குமாா், மாவட்ட வழங்கல், நுகா்வோா் பாதுகாப்பு அலுவலா் சிவக்குமாா், துணை பதிவாளா்கள் த.பிரிட்டோ, ப.கோபிநாத், கூட்டுறவு சாா் பதிவாளா்கள் மா.முப்புடாதி, இரா.ஸ்ரீவித்யா கலந்துகொண்டனா்.