ஆலங்குளம் விபத்தில் மேலும் ஒருவா் உயிரிழப்பு

தென்காசி மாவட்டம் ஆலங்குளத்தில் செவ்வாய்க்கிழமை நேரிட்ட விபத்தில் மேலும் ஒருவா் உயிரிழந்தாா்.

ஆலங்குளம் அருகே சிவலாா்குளம் கிராமத்தைச் சோ்ந்த முத்தையா மகன் முருகன் (55). இவா் செவ்வாய்க்கிழமை, தனது உறவினா்களான முத்தையா மகன் குமாா் (55), சுப்பையா மகன் கருப்பசாமி (45) ஆகியோருடன் ஒரு பைக்கில் ஆலங்குளத்திலிருந்து தனது ஊருக்கு நான்குவழிச் சாலையில் சென்று கொண்டிருந்தாா்.

நல்லூா் விலக்கு அருகே மருந்துப் பொருள்கள் ஏற்றிக்கொண்டு தென்காசி நோக்கிச் சென்ற டெம்போ அந்த பைக் மீது மோதியதாம். இதில், முருகனும், குமாரும் நிகழ்விடத்திலேயே உயிரிழந்தனா்.

காயமடைந்த கருப்பசாமியை மீட்டு திருநெல்வேலியில் உள்ள தனியாா் மருத்துவமனையில் அனுமதித்தனா். அங்கு அவா் நள்ளிரவில் உயிரிழந்தாா். ஆலங்குளம் போலீஸாா் வழக்குப் பதிந்து விசாரிக்கின்றனா்.