திருவள்ளூா்: சிறப்பு கிராம சபைக் கூட்டம்

திருவள்ளூா்: திருவள்ளூா் மாவட்டத்தில் உள்ள ஊராட்சிகளில் சிறப்பு கிராம சபைக் கூட்டத்தில் முக்கிய தீா்மானங்கள் நிறைவேற்றப்பட்டன.

திருவள்ளூா் மாவட்டத்தில் 14 ஒன்றியங்களில் 526 ஊராட்சிகள் உள்ளன. இந்நிலையில் ஊராட்சிகளில் சிறப்பு கிராம சபைக்கூட்டம் நடத்துவதற்கு ஆட்சியா் த.பிரபு சங்கா் உத்தரவிட்டிருந்தாா். அதன்பேரில் கடம்பத்தூா் ஊராட்சி கூட்டரங்கத்தில் செவ்வாய்க்கிழமை கிராம சபைக் கூட்டம் நடைபெற்றது. இந்தக் கூட்டத்துக்கு எம்.கே.ரமேஷ் வகித்தாா். ஊராட்சி துணைத்தலைவா் வசந்தா முன்னிலை வகித்தாா். கூட்டத்தில் ஊரக வீடுகள் பழுது பாா்த்தல் திட்டம் மற்றும் கலைஞரின் கனவு இல்லம் திட்டம் மூலம் பயனாளிகள் தோ்வு செய்து கிராம சபைக் கூட்டத்தில் ஒப்புதல் பெறுவது குறித்து விவாதம் செய்யப்பட்டது. இந்தக்கூட்டத்தில் ஊராட்சி செயலாளா் ராஜா மற்றும் வாா்டு உறுப்பினா்கள் உள்ளிட்டோா் பங்கேற்றனா்.

அதேபோல், நேமம் ஊராட்சி அலுவலக வளாகத்தில் நடந்த கிராம சபைக் கூட்டத்துக்கு பிரேம்நாத் தலைமை வகித்தாா். துணைத்தலைவா் விஜயா ரமேஷ் முன்னிலை வகித்தாா். இந்தக் கூட்டத்தில் கிராம ஊராட்சியில் உள்ள வீடுகள் சீரமைத்தல், கலைஞரின் கனவு இல்ல திட்ட பயனாளிகள் விவரம் ஒப்புதல் பெறப்பட்டது. இந்தக் கூட்டத்தில் உமாசங்கரி நாகராஜ், தமிழழகன், சிவகாமி வடிவேல், எம்.உதயகுமாா், எஸ்.முருகன், விஜயா, நிரோஷா, சரவணன் உள்ளிட்டோா் கலந்து கொண்டனா். இதில் ஊராட்சி செயலாளா் ரீமாவதி சிவராமன் உள்ளிட்டோா் கலந்து கொண்டனா்.