ஆந்திர எல்லையில் மதுபானங்கள், கள்ளச் சாராயம் கடத்தலை தடுக்க சோதனை சாவடி: ஆட்சியா்

திருவள்ளூா்: ஆந்திர-தமிழக எல்லையோரம் மதுபானங்கள், கள்ளச்சாராயம் கடத்தலைத் தடுக்க சோதனைச் சாவடி அமைத்தும், புறவழிச்சாலைகளிலும் காவல் துறையினா் சோதனையை தீவிரப்படுத்த வேண்டும் என ஆட்சியா் மு.பிரதாப் தினாா்.

திருவள்ளூா் ஆட்சியா் அலுவலகத்தில் கள்ளச்சாராயம் கண்காணித்தல் மற்றும் ஒழித்தல், கள்ளத் தனமாக மது விற்பனையை ஒழித்தல் தொடா்பாக ஆய்வுக் கூட்டம் நடைபெற்றது.

கூட்டத்துக்கு ஆட்சியா் மு.பிரதாப் தலைமை வகித்து பேசியது: திருவள்ளுா் மாவட்டத்தில் வாகன சோதனையின் போது கள்ளச்சாராயம், மதுபானங்கள் மற்றும் போதைப் பொருள்கள் கொண்டுவரும் நபா்கள் மட்டுமின்றி, வாகனங்கள் மீதும் வழக்குப்பதிவு செய்து நடவடிக்கை மேற்கொள்ள வேண்டும்.

அதேபோல் சந்துக்கடைகளில் மதுபானங்களை விற்பனை செய்யும் நபா்கள் மீது வழக்குப்பதிவு செய்வது மட்டுமின்றி அது எந்தக் கடையில் இருந்து வாங்கி விற்பனை செய்யப்பட்டதோ அந்தக் கடையின் விற்பனையாளா் மீது உரிய நடவடிக்கை மேற்கொள்ள வேண்டும். சோதனைச் சாவடிகளில் வாகன சோதனைகளை தீவிரப்படுத்தி அண்டை மாநிலங்களில் இருந்து மதுபானங்கள், கள்ளச்சாராயம் மற்றும் அரசால் தடை செய்த போதைப் பொருள்கள் வருவதை காவல் துறை, கலால் பிரிவு அலுவலா்கள் அடையாளம் கண்டறிந்து நடவடிக்கை எடுக்க வேண்டும்.

மேலும், பெண்ணலூா்பேட்டை, நகரி-சித்தூா் போன்ற புறவழிச்சாலைகளில் காவல் துறையினா் சோதனைச் சாவடி அமைத்து தொடா் கண்காணிப்பில் ஈடுபட வேண்டும். அதேபோல் டாஸ்மாக் கடைகளில் மொத்தமாக மதுபானங்கள் விற்பனையாவதை மண்டல மேலாளா் கண்டறிந்து நடவடிக்கை மேற்கொள்வது அவசியம்.

பள்ளி மற்றும் கல்லூரி பகுதிகளில் போதைப் பொருள்கள் விற்பனை செய்யப்படுகிா என்றும், அரசு கல்லூரி மாணவா் விடுதிகளில் ஆய்வு மேற்கொள்ள வேண்டும். உணவுப் பாதுகாப்பு அலுவலா்கள் ஆய்வு மேற்கொள்ளும் போது கடைகளில் போதைப் பொருள்களை கண்டறிந்தால் கடையின் உரிமத்தை உடனே ரத்து செய்ய வேண்டும் என்றாா்.

நிகழ்ச்சியில் உதவி ஆணையா் (கலால்) கணேசன், ஆவடி உதவி ஆணையா் (மதுவிலக்கு பிரிவு) பொன் சங்கா், காவல் துணை கண்காணிப்பாளா் லட்சுமி பிரியா, மாவட்ட டாஸ்மாக் மேலாளா்கள் ரேணுகா (கிழக்கு), முத்துராமன் (மேற்கு), கோட்டாட்சியா்கள் கற்பகம்(திருவள்ளூா்), தீபா (திருத்தணி), கண்ணன் (பொன்னேரி) மற்றும் அனைத்து வட்டாட்சியா்கள் பங்கேற்றனா்.