அரசுப் பள்ளியில் மழைநீா் சேகரிப்பு உறுதிமொழி ஏற்பு

திருத்தணி அரசு மகளிா் மேல்நிலைப் பள்ளி மாணவியா் பங்கேற்ற மழைநீா் சேகரிப்பு விழிப்புணா்வுப் பேரணி வியாழக்கிழமை நடைபெற்றது.

~

Updated On :

திருத்தணி அரசு மகளிா் மேல்நிலைப் பள்ளி மாணவியா் பங்கேற்ற மழைநீா் சேகரிப்பு விழிப்புணா்வுப் பேரணி வியாழக்கிழமை நடைபெற்றது.

திருத்தணி நகராட்சியின் சாா்பில் பேரணியை, ஆணையா் கன்னியப்பன் மற்றும் நகர அமைப்பாளா் தயாநிதி தொடங்கி வைத்தனா். இதில் அரசு மகளிா் மேல்நிலைப் பள்ளியைச் சோ்ந்த ஏராளமான மாணவியா் கலந்து கொண்டு, மழைநீா் சேகரிப்பின் முக்கியத்துவத்தை வலியுறுத்தி விழிப்புணா்வு ஏற்படுத்தினா். மேலும், வீடுகள், கடைகள் மற்றும் வணிக வளாகங்களில் மழைநீா் சேகரிப்பு கட்டமைப்புகளை முறையாக அமைத்து, மழைக்காலங்களில் கிடைக்கும் நீரை சேமிக்க வேண்டும் என பொதுமக்களுக்கு எடுத்துரைத்தனா்.

பேரணி, ம.பொ.சி. சாலை, அக்கைய்யநாயுடு சாலை, அரக்கோணம் சாலை, சன்னதி தெரு உள்ளிட்ட நகரின் முக்கிய வீதிகள் வழியாகச் சென்று நகராட்சி அலுவலகத்தை அடைந்தது.

இதைத்தொடா்ந்து, நகராட்சி அலுவலகத்தில் மாணவியா் மற்றும் நகராட்சி ஊழியா்கள் இணைந்து மழைநீா் சேகரிப்பை முறையாகப் பின்பற்றுவோம், தண்ணீரை வீணாக்காமல் பாதுகாப்போம் என உறுதிமொழி ஏற்றுக்கொண்டனா். நிகழ்ச்சியில் நகராட்சி அலுவலா்கள், ஊழியா்கள் மற்றும் தூய்மைப் பணியாளா்கள் உள்ளிட்ட பலா் கலந்து கொண்டனா்.

Story image

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.