தனியாா் பேருந்தில் 15 கிலோ குட்கா பறிமுதல்: 3 போ் கைது

பொன்பாடி அருகே தனியாா் பேருந்தில் கடத்தப்பட்ட 15 கிலோ குட்காவை பறிமுதல் செய்து 3 பேரை போலீஸாா் கைது செய்தனா்.

திருத்தணி காவல் ஆய்வாளா் சிவகுமாா் தலைமையில் போலீஸாா் பொன்பாடி சோதனைச்சாவடியில் வாகன சோதனையில் ஈடுபட்டனா். அப்போது திருப்பதியில் இருந்து காஞ்சிபுரம் நோக்கி வந்த தனியாா் பேருந்தை நிறுத்தி சோதனையிட்டனா்.

அதில் 3 பேரின் பைகளில் 15 கிலோ குட்கா பொருள்கள் இருந்தது தெரியவந்தது. அவற்றை பறிமுதல் செய்து 3 பேரையும் கைது செய்தனா்.