தங்கம் பவுனுக்கு ரூ.56 உயர்வு

சென்னையில் ஆபரணத் தங்கத்தின் விலை வியாழக்கிழமை பவுனுக்கு ரூ.56 உயர்ந்து, ரூ.23,920-க்கு விற்பனையானது.
சர்வதேச பொருளாதாரச் சூழல், உலகச் சந்தையில் தங்கத்தின் மதிப்பு நிலவரம் ஆகியவை தங்கத்தின் விலையை நிர்ணயிக்கின்றன. வியாழக்கிழமை நிலவரப்படி, சென்னையில் ஒரு கிராம் ஆபரணத் தங்கம் ரூ.7 உயர்ந்து ரூ.2,990-க்கு விற்பனை செய்யப்பட்டது. இதனால் ஒரு பவுன் தங்கம் ரூ.56 உயர்ந்து ரூ.23,920-க்கு விற்கப்பட்டது.
வெள்ளி விலை கிராமுக்கு 20 பைசா உயர்ந்து ரூ. 43.70 ஆகவும், கட்டி வெள்ளி கிலோ ரூ.200 உயர்ந்து கிலோ ரூ. 43,700-க்கும் விற்பனை செய்யப்பட்டது.

வியாழக்கிழமை விலை நிலவரம் ரூபாயில் (ஜிஎஸ்டி தனி):

1 கிராம் தங்கம் 2,990.00
1 பவுன் தங்கம் 23,920.00
1 கிராம் வெள்ளி 43.70
1 கிலோ வெள்ளி 43,700.00