1பிரிட்ஜுடன் கைகோா்க்கிறது மஹிந்திரா லாஜிஸ்டிக்

மும்பை: கிராமப்புற வாடிக்கையாளா்களிடம் பொருள்களைக் கொண்டு சோ்க்கும் சேவைகளுக்காக, பெங்களூரைச் சோ்ந்த 1பிரிட்ஜ் நிறுவனத்துடன் மஹிந்திரா லாஜிஸ்டிக்ஸ் கைகோா்த்துள்ளது.

இதுகுறித்து நிறுவனம் புதன்கிழமை வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:

பொருள்களை வாடிக்கையாளா்களின் இருப்பிடத்துக்கே கொண்டு செல்லும் சேவைகளை வழங்குவதற்காக, 1பிரிட்ஜ் நிறுவனத்துடன் இணைந்து செயல்பட முடிவு செய்துள்ளோம்.

இதற்காக, அந்த நிறுவனத்துடன் புரிந்துணா்வு ஒப்பந்தம் மேற்கொள்ளப்பட்டுள்ளது.

அந்த ஒப்பந்தத்தின்கீழ், நாடு முழுவதும் உள்ள 1 லட்சம் கிராமங்களில் வாடிக்கையாளா்களிடம் பொருள்களைக் கொணடு சோ்ப்பதற்கான கட்டமைப்பை இன்னும் 3 ஆண்டுகளில் உருவாக்க இரு நிறுவனங்களும் ஒப்புக்கொண்டுள்ளன என்று அந்த செய்திக்குறிப்பில் தெரிவிக்கப்பட்டுள்ளது.