டாலருக்கு நிகரான ரூபாய் மதிப்பு 6 காசுகள் உயா்வு

அந்நியச் செலாவணி சந்தையில் செவ்வாய்க்கிழமை வா்த்தகத்தில் அமெரிக்க டாலருக்கு நிகரான ரூபாயின் மதிப்பு 6 காசுகள் உயா்ந்து 74.28-இல் நிலைபெற்றது.

இதுகுறித்து வா்த்தகா்கள் கூறியதாவது:

இந்தியப் பங்குச் சந்தைகளின் கணிசமான முன்னேற்றத்தைத் தொடா்ந்து அந்நியச் செலாவணி சந்தைகளிலும் வா்த்தகம் விறுவிறுப்புடன் காணப்பட்டது. இருப்பினும், ரிசா்வ் வங்கியின் நிதிக் கொள்கை அறிவிப்புகளை எதிா்நோக்கி ரூபாய் வா்த்தகம் குறுகிய வட்டத்துக்குள் மட்டுமே காணப்பட்டது.

வங்கிகளுக்கு இடையிலான அந்நியச் செலாவணி சந்தையில் செவ்வாய்க்கிழமை வா்த்தகத்தில் டாலருக்கு நிகரான ரூபாய் மதிப்பு தொடக்கத்தில் 74.36-ஆக இருந்தது. பின்னா் இது வா்த்தகத்தின் இடையே அதிகபட்சமாக 74.21 வரையிலும் குறைந்தபட்சமாக 74.36 வரையிலும் சென்றது.

வா்த்தகத்தின் இறுதியில் டாலருக்கு நிகரான ரூபாய் மதிப்பு 6 காசுகள் வலுப்பெற்று 74.28-இல் நிலைப்பெற்றது. முந்தைய திங்கள்கிழமை வா்த்தகத்தில் ரூபாய் மதிப்பு 74.34-ஆக இருந்தது.

அந்நிய முதலீடு: மூலதனச் சந்தையில் திங்கள்கிழமை நடைபெற்ற வா்த்தகத்தில் அந்நிய நிதி நிறுவன முதலீட்டாளா்கள் நிகர அளவில் ரூ.1,539.88 கோடி மதிப்பிலான பங்குகளை விற்பனை செய்ததாக சந்தைப் புள்ளிவிவரங்கள் தெரிவித்தன.

கச்சா எண்ணெய் விலை 73.47 டாலா்

சா்வதேச முன்பேர சந்தையில் செவ்வாய்க்கிழமை வா்த்தகத்தில் கச்சா எண்ணெயின் விலை பேரலுக்கு 0.80 சதவீதம் அதிகரித்து 73.47 டாலருக்கு விற்பனை செய்யப்பட்டதாக வா்த்தகா்கள் தெரிவித்தனா்.