புது தில்லி: இந்தியாவின் 8 முக்கிய நகரங்களில் வீடு-மனை வா்த்தகம் கடந்த ஆண்டில் 37 சதவீதம் வீழ்ச்சியடைந்துள்ளது. இதுகுறித்து துறை நிபுணா்கள் வெளியிட்டுள்ள புள்ளிவிவரங்கள் தெரிவிப்பதாவது:
முந்தைய 2019-ஆம் ஆண்டோடு ஒப்பிடுகையில், சென்னை, தில்லி, மும்பை உள்ளிட்ட 8 முக்கிய நகரங்களில் வீடு-மனை வா்த்தகம் 37 சதவீதம் வீழ்ச்சியடைந்துள்ளது. 2019-இல் 2,45,861 வீடு-மனைகள் விற்பனையான நிலையில், கடந்த ஆண்டில் இந்த எண்ணிக்கை 1,54,534-ஆகக் குறைந்துள்ளது.
சென்னையில் மட்டும் 49 சதவீதம், தில்லியில் 50 சதவீதம், மும்பையில் 20 சதவீதம் என மனை-வா்த்தகம் வீழ்ச்சியடைந்துள்ளது என்று அந்தப் புள்ளிவிவரங்கள் தெரிவிக்கின்றன.