டாலருக்கு நிகரான ரூபாய் மதிப்பு 18 காசுகள் சரிவு

அந்நியச் செலாவணி சந்தையில் வியாழக்கிழமை வா்த்தகத்தில் அமெரிக்க டாலருக்கு நிகரான ரூபாய் மதிப்பு 18 காசுகள் சரிவடைந்தது.

இதுகுறித்து சந்தை ஆய்வாளா்கள் கூறியது:

சா்வதேச சந்தையில் டாலருக்கான தேவை அதிகரிப்பு மற்றும் உள்நாட்டு பங்குச் சந்தையில் காணப்பட்ட மந்த நிலை ஆகியவை செலாவணி சந்தையில் எதிா்மறையான விளைவுகளை ஏற்படுத்தின.

கச்சா எண்ணெய் விலை அதிகரித்து வருவது மற்றும் அந்நிய முதலீடு வெளியேற்றம் ஆகியவற்றை முதலீட்டாளா்கள் உன்னிப்பாக கவனித்து அதற்கேற்ப செயலாற்றி வருகின்றனா். இது செலாவணி சந்தைகளில் தாக்கத்தை ஏற்படுத்தியுள்ளது.

வங்கிகளுக்கு இடையிலான அந்நியச் செலாவணி சந்தையில் அமெரிக்க டாலருக்கு நிகரான ரூபாயின் மதிப்பு தொடக்கத்தில் 74.44-ஆக இருந்தது. அதன்பின்பு வா்த்தகத்தின் இடையே 74.59 வரை மேலும் சரிவைச் சந்தித்தது.

வா்த்தகத்தின் இறுதியில் ரூபாய் மதிப்பு 18 காசுகளை மட்டுமே இழந்து 74.52-இல் நிலைபெற்றது. இதற்கு முன்பான, புதன்கிழமை வா்த்தகத்தில் ரூபாய் மதிப்பானது 74.34-ஆக இருந்ததாக ஆய்வாளா்கள் தெரிவித்தனா்.

கச்சா எண்ணெய் பேரல் 83.24 டாலா்

சா்வதேச முன்பேர சந்தையில் வியாழக்கிழமை வா்த்தகத்தில் பிரெண்ட் கச்சா எண்ணெய் விலை பேரலுக்கு 0.73 சதவீதம் அதிகரித்து 83.24 அமெரிக்க டாலருக்கு வா்த்தகமானதாக சந்தைப் வட்டாரங்கள் தெரிவித்தன.

அந்நிய முதலீடு

மூலதனச் சந்தையில் வியாழக்கிழமை வா்த்தகத்தில் அந்நிய நிதி நிறுவன முதலீட்டாளா்கள் நிகர அடிப்படையில் ரூ.1,637.46 கோடி மதிப்பிலான பங்குகளை விற்பனை செய்ததாக பங்குச் சந்தை புள்ளிவிவரத்தில் தெரிவிக்கப்பட்டுள்ளது.