தங்கம் விலை 2-ஆம் நாளாக சரிவு

சென்னையில் ஆபரணத் தங்கத்தின் விலை இரண்டாம் நாளாக சனிக்கிழமையும் சரிந்தது. பவுனுக்கு ரூ.568 குறைந்து, ரூ.37,904-க்கு விற்பனையானது.

ரஷியா-உக்ரைன் போா் பதற்றம் காரணமாக, தங்கம் விலை பிப்ரவரி முதல் வாரத்தில் இருந்து படிப்படியாக உயரத் தொடங்கியது.

குறிப்பாக, கடந்த 22-ஆம் தேதி ரூ.38 ஆயிரத்தையும், கடந்த 24-ஆம் தேதி ரூ.39 ஆயிரத்தையும் தாண்டியது. இதன்பிறகு, தங்கம் விலை குறையத் தொடங்கியது. வெள்ளிக்கிழமை ரூ.1,136 குறைந்தது. இதன்தொடா்ச்சியாக, இரண்டாவது நாளாக சனிக்கிழமையும் ஆபரணத் தங்கத்தின் விலை பவுனுக்கு ரூ.568 குறைந்து, ரூ.37,904-க்கு விற்பனை செய்யப்பட்டது. ஒரு கிராம் தங்கம் ரூ.71 குறைந்து, ரூ.4,738-க்கு விற்பனை செய்யப்பட்டது.

வெள்ளி கிராமுக்கு ரூ.1 குறைந்து, ரூ.69 ஆகவும், கட்டி வெள்ளி கிலோவுக்கு ரூ.1,000 குறைந்து, ரூ.69,000 ஆகவும் இருந்தது.

சனிக்கிழமை விலை ரூபாயில் (ஜி.எஸ்.டி. தனி)

1 கிராம் தங்கம்............................. 4,738

1 பவுன் தங்கம்............................... 37,904

1 கிராம் வெள்ளி............................. 69.00

1 கிலோ வெள்ளி.............................69,000

வெள்ளிக்கிழமை விலை ரூபாயில் (ஜி.எஸ்.டி. தனி)

1 கிராம் தங்கம்............................. 4,809

1 பவுன் தங்கம்............................... 38,472

1 கிராம் வெள்ளி............................. 70.00

1 கிலோ வெள்ளி.............................70,000.