டாலருக்கு நிகரான ரூபாய் மதிப்பு 10 காசு சரிவு

சா்வேதச சந்தையில் அமெரிக்க டாலருக்கான தேவை பெருகி வருவதால் ரூபாய் மதிப்பு வெள்ளிக்கிழமை வா்த்தகத்தில் 10 காசு சரிந்தது.

இதுகுறித்து செலாவணி வட்டாரங்கள் கூறியது:

சா்வதேச சந்தையில் இறக்குமதியாளா்களிடையே டாலருக்கான தேவை அதிகரித்து வருகிறது. இதையடுத்து, அதன் மதிப்பு வலுப்பெறத் தொடங்கியுள்ளது.

வங்கிகளுக்கு இடையிலான அந்நியச் செலாவணி சந்தையில் வெள்ளிக்கிழமை வா்த்தகத்தில் டாலருக்கு நிகரான ரூபாய் மதிப்பு தொடக்கத்தில் 79.20-ஆக இருந்தது. பின்னா் வா்த்தகத்தின் இறுதியில் ரூபாய மதிப்பு 10 காசு சரிந்து 79.23-ஆனது. முந்தைய வியாழக்கிழமை வா்த்தகத்தில் ரூபாய் மதிப்பு 79.13-ஆக காணப்பட்டது என செலாவணி வட்டாரத்தினா் தெரிவித்தனா்.

பிரெண்ட் கச்சா எண்ணெய்: பீப்பாய் 104 டாலா்

சா்வதேச சந்தையில் வெள்ளிக்கிழமை நடைபெற்ற முன்பேர வியாபாரத்தில் பிரெண்ட் கச்சா எண்ணெய் பீப்பாய் 104.70 டாலா் என்ற அளவில் வா்த்தகமானதாக சந்தை வட்டாரத்தினா் தெரிவித்தனா்.