ரானே: வரிக்கு பிந்தைய லாபம் ரூ.20 கோடி

ஸ்டியரிங் மற்றும் சஸ்பென்ஷன் பொருள்கள் தயாரிப்பில் ஈடுபட்டு வரும் ரானே (மெட்ராஸ்) ஜூன் 30-ஆம் தேதியுடன் முடிவடைந்த காலாண்டில் வரிக்கு பிந்தைய தனிப்பட்ட நிகர லாபமாக ரூ.20.1 கோடியை ஈட்டியுள்ளது.

இது, முந்தைய ஆண்டின் இதே காலத்தில் ஈட்டிய லாபம் ரூ.3.7 கோடியுடன் ஒப்பிடுகையில் 400 சதவீதம் அதிகமாகும்.

கணக்கீட்டு காலாண்டில் நிறுவனத்தின் மொத்த வருவாய் ரூ.306 கோடியிலிருந்து ரூ.501 கோடியாக அதிகரித்தது.

நிகழ் நிதியாண்டின் ஏப்ரல்-ஜூன் காலாண்டில், சந்தையில் தேவைக்கான சூழல் சாதமாக காணப்பட்டதற்கு நல்ல பலன் கிடைத்துள்ளது. அதிக உற்பத்தி மற்றும் மேம்பட்ட செயல்பாட்டு செயல்திறன் ஆகியவை லாபத்தை அதிகரிக்க உதவியதாக ரானே குழுமத்தின் தலைவா் எல்.கணேஷ் வியாழக்கிழமை வெளியிட்ட செய்திக்குறிப்பில் தெரிவித்துள்ளாா்.