பஜாஜ் ஆட்டோ விற்பனை 8% உயா்வு

கடந்த மாதத்தில் பஜாஜ் ஆட்டோவின் மொத்த வாகன விற்பனை 8 சதவீதம் அதிகரித்துள்ளது.

இது குறித்து நிறுவனம் வியாழக்கிழமை வெளியிட்டுள்ள செய்திக் குறிப்பில் தெரிவிக்கப்பட்டுள்ளதாவது:

கடந்த ஆகஸ்ட் மாதத்தில் நிறுவனத்தின் 4,01,595 வாகனங்கள் விற்பனையாகின. கடந்த 2021-ஆம் ஆண்டின் ஆகஸ்ட் மாதத்தில் இந்த எண்ணிக்கை 3,73,270-ஆக இருந்தது. அதனுடன் ஒப்பிடுகையில் கடந்த மாதம் நிறுவனத்தின் ஒட்டுமொத்த விற்பனை 8 சதவீதம் அதிகரித்துள்ளது.

2021 ஆகஸ்டில் 1,72,595 வாகனங்களாக இருந்த நிருவனத்தின் மொத்த உள்நாட்டு விற்பனை, கடந்த ஆகஸ்டில் 49 சதவீதம் அதிகரித்து 2,56,755 வாகனங்களாக உள்ளது.

மதிப்பீட்டு மாதத்தில் இரு சக்கர வாகனங்களின் ஏற்றுமதி 28 சதவீதம் சரிந்து 1,44,840-ஆக இருந்தது. இது, கடந்த ஆண்டின் இதே மாதத்தில் 2,00,675 வாகனங்களாக இருந்து.

ஏற்றுமதி உள்பட இரு சக்கர வாகனங்களின் மொத்த விற்பனை, கடந்த மாதத்தில் 5 சதவீதம் அதிகரித்து 3,55,625-ஆக இருந்தது. 2021-ஆம் ஆண்டின் இதே மாதத்தில் 3,38,310 இரு சக்கர வாகனங்கள் விற்பனையாகின.

இரு சக்கர வாகனங்களின் உள்நாட்டு விற்பனை, கடந்த மாதம் 48 சதவீதம் அதிகரித்து 2,33,838-ஆக இருந்தது. இது, முந்தைய ஆண்டின் இதே காலக்கட்டத்தில் 1,57,971-ஆக இருந்தது.

ஆகஸ்ட் மாதத்தில் நிறுவன வா்த்தக வாகனங்களின் விற்பனை 31 சதவீத வளா்ச்சியைக் கண்டுள்ளது. கடந்த ஆண்டின் ஆகஸ்ட் மாதத்தில் நிறுவனத்தின் 34,960 வா்த்தக வாகனங்கள் விற்பனையான நிலையில், கடந்த ஆகஸ்டில் இந்த எண்ணிக்கை 45,970-ஆக உயா்ந்துள்ளது என்று அந்த செய்திக் குறிப்பில் தெரிவிக்கப்பட்டுள்ளது.