மஹிந்திரா & மஹிந்திரா விற்பனை 4% அதிகரிப்பு

கடந்த மாா்ச் மாதத்தில் இந்தியாவின் முன்னணி வாகனத் தயாரிப்பு நிறுவனங்களில் ஒன்றான மஹிந்திரா & மஹிந்திராவின் மொத்த விற்பனை 68,413-ஆக (4 சதவீதம்) அதிகரித்துள்ளது.

இது குறித்து நிறுவனம் வெளியிட்டுள்ள செய்திக்குறிப்பில் தெரிவிக்கப்பட்டுள்ளதாவது:

கடந்த மாா்ச் மாதத்தில் நிறுவனம் 68,413 வாகனங்களை சில்லறை விற்பனையாளா்களுக்கு அனுப்பியது. முந்தைய 2023-ஆம் ஆண்டின் இதே மாதத்தோடு ஒப்பிடுகையில் இது 4 சதவீதம் அதிகம். அப்போது நிறுவனத்தின் மொத்த விற்பனை 66,041-ஆக இருந்தது.

மதிப்பீட்டு மாதத்தில் நிறுவனத்தின் உள்நாட்டு மொத்த விற்பனை 35,997-லிருந்து 13 சதவீதம் அதிகரித்து 40,631- ஆக உள்ளது. ஏற்றுமதி 2,115-லிருந்து 26 சதவீதம் சரிந்து 1,573-ஆக உள்ளது.

2022-23 நிதியாண்டு முழுமைக்கும் 3,59,253-ஆக இருந்த நிறுவன பயணிகள் வாகனங்களின் மொத்த விற்பனை கடந்த 2023-24 நிதியாண்டில் 28 சதவீதம் அதிகரித்து 4,59,877-ஆக உள்ளது என்று அந்த செய்திக்குறிப்பில் தெரிவிக்கப்பட்டுள்ளது.