டிவிட்டர் என்று அறியப்படும் எக்ஸ் தளத்தின் மூலம், ஆண்ட்ராய்ட் பயனாளர்கள் ஆடியோ மற்றும் விடியோ அழைப்புகளை மேற்கொள்ளும் புதிய வசதி அறிமுகம் செய்யப்பட்டுள்ளது.
ஆனால், இந்த ஆடியோ மற்றும் விடியோ அழைப்பை பிரீமியம் பயனர்கள் மட்டுமே பயன்படுத்த முடியும் என்று குறிப்பிடப்பட்டுள்ளது. அதாவது பிரீமியம் பயனர்கள் மட்டுமே மற்றவர்களுக்கு அழைப்பு விடுக்க முடியும். மற்ற பயனர்கள் அழைப்பை பெற முடியுமே தவிர அழைப்பு விடுக்க முடியாது என்று தெரிவிக்கப்பட்டுள்ளது.
இதையும் படிக்க.. ஐஐடி-சென்னையில் 720 ஆன்லைன் படிப்புகள்
தற்போது பிரீமியம் பயனர்களாக இருப்போர், எக்ஸ் செயலியை அப்டேட் செய்வதன் மூலம் இந்த சேவையை பெற முடியும். இதன் மூலம் எக்ஸ் தளத்தில் ப்ரீமியம் பெறுவோர் எண்ணிக்கை அதிகரிக்கும் என்று எதிர்பார்க்கப்படுகிறது.
ஏற்கனவே, ஐஓஎஸ் பயனர்களுக்கு இந்த வசதி வந்துவிட்ட நிலையில், தற்போது ஆண்டிராய்டு பயனர்களுக்கும் இந்த வசதி விரிவுபடுத்தப்பட்டுள்ளது.
இதையும் படிக்க.. மௌத் ஆர்கன் வாசித்து மோடியின் மனதைக் கவர்ந்த ஆண்டாள் யானை
இதன் மூலம், ஏற்கனவே முகநூல் மெசேஞ்சர், வாட்ஸ்ஆப் போன்ற சமூக வலைத்தளங்களைப் பயன்படுத்துவோர் விடியோ மற்றும் ஆடியோ அழைப்புகளை மேற்கொள்வதைப் போல, எக்ஸ் செயலி மூலமாகவும் அழைப்பை மேற்கொள்ள முடியும். விரைவில், அனைத்து வசதிகளையும் எக்ஸ் வலைத்தளம் பெறும் வகையில் அதனை மேம்படுத்தவும் திட்டமிடப்பட்டுள்ளது.