தங்கம் மீண்டும் பவுன் ரூ.49 ஆயிரத்தைக் கடந்தது

சென்னை: சென்னையில் ஆபரணத் தங்கத்தின் விலை பவுனுக்கு ரூ. 360 உயா்ந்து ரூ.49,080-க்கு விற்பனையானது. தங்கம் விலை கடந்த சில நாள்களாக ஏற்ற இறக்கத்துடன் காணப்படுகிறது.

சென்னையில் செவ்வாய்க்கிழமை நிலவரப்படி, ஆபரணத் தங்கத்தின் விலை கிராமுக்கு ரூ.45 உயா்ந்து ரூ. 6,135-க்கும், பவுனுக்கு ரூ.360 உயா்ந்து ரூ.49,080-க்கும் விற்பனையானது.

வெள்ளி விலை கிராமுக்கு 30 காசுகள் உயா்ந்து ரூ. 80.30 க்கும், ஒரு கிலோ (கட்டி வெள்ளி) ரூ.300 உயா்ந்து ரூ. 80,300-க்கும் விற்பனையானது.