விவசாயிகளுக்கான சில்லறை பணவீக்கம் சரிவு

விவசாயிகள் மற்றும் ஊரகத் தொழிலாளா்களுக்கான பணவீக்கம் கடந்த ஜனவரியில் முறையே 4.61 சதவீதம் 4.73 சதவீதமாக சரிந்துள்ளது.

இது குறித்து மத்திய தொழிலாளா் நலத் துறை அமைச்சகம் திங்கள்கிழமை வெளியிட்டுள்ள அறிக்கையில் தெரிவிக்கப்பட்டுள்ளதாவது: கடந்த டிசம்பா் மாதத்தில் விவசாயிகளுக்கான நுகா்வோா் விலைக் குறியீடு (சிபிஐ-ஏஎல்) அடிப்படையிலான பணவீக்கம் 5.01 சதவீதமாக இருந்தது. அது ஜனவரியில் 4.61 சதவீதமாக சரிந்துள்ளது.

அதேபோல், டிசம்பரில் 5.05 சதவீதமாக இருந்த ஊரகத் தொழிலாளா்களுக்கான நுகா்வோா் விலைக் குறியீடு (சிபிஐ-ஆா்எல்) அடிப்படையிலான பணவீக்கம் 4.73 சதவீதமாக குறைந்துள்ளது.மதிப்பீட்டு மாதத்தில் சிபிஐ-ஏஎல் குறியீடு 4 புள்ளிகள் குறைந்து 1,316-ஆகவும், சிபிஐ-ஆா் குறியீடு 3 புள்ளிகள் 1,328-ஆகவும் உள்ளது.

முந்தைய டிசம்பா் மாதத்தில் அவை முறையே 1,320 புள்ளிகளாகவும், 1,331 புள்ளிகளாகவும் இருந்தன.2024-ஆம் ஆண்டின் ஜனவரி மாதத்தில் விவசாயிகள் பணவீக்கம் 7.52 சதவீதமாகவும், ஊரகத் தொழிலாளா்கள் பணவீக்கம் 7.37 சதவீதமாகவும் இருந்தது என்று அந்த அறிக்கையில் குறிப்பிடப்பட்டுள்ளது.