ஒன்பிளஸ் நோர்டு 5, நோர்டு சிஇ 5 அறிமுகமாகும் தேதி தெரியுமா?

ஒன்பிளஸ் நோர்டு 5 மற்றும் ஒன்பிளஸ் நோர்டு சிஇ 5 ஆகிய இரு ஸ்மார்ட்போன்கள் அறிமுகமாகும் தேதி குறித்து அதிகாரப்பூர்வமாக அறிவிக்கப்பட்டுள்ளது. ஒன்பிளஸ் அறிவிப்பின்படி, ஜூலை 8ஆம் தேதி இரு ஸ்மார்ட்போன்களும் அறிமுகமாகவுள்ளன.

இந்த இரு ஸ்மார்ட்போன்களுடன் ஒன்பிளஸ் நிறுவனத்தின் நோர்டு பட்ஸும் அறிமுகமாகிறது.

சீனாவைத் தலைமையிடமாகக் கொண்டு செயல்படும் ஒன்பிளஸ் நிறுவனம் இந்திய சந்தைகளில் குறிப்பிடத்தகுந்த எண்ணிக்கையிலான வாடிக்கையாளர்களைக் கொண்டுள்ளது.

இந்த நிறுவனத்தின் நோர்டு 5 மற்றும் நோர்டு சிஇ 5 ஆகிய மத்திய தர இரு ஸ்மார்ட்போன்கள் அறிமுகமாகும் தேதி குறித்து பல்வேறு வதந்திகள் பரவிவந்த நிலையில், ஜூலை 8ஆம் தேதி அவை அறிமுகம் செய்யப்படும் என ஒன்பிளஸ் அறிவித்துள்ளது.

சிறப்பம்சங்கள்

ஒன்பிளஸ் நோர்டு 5 சிஇ ஸ்மார்ட்போனில் ஸ்நாப்டிராகன் 8எஸ் 3ஆம் தலைமுறை புராசஸர் பயன்படுத்தப்படுகிறது.

6,650mAh பேட்டரி திறனுடன் 80W வேகமாக சார்ஜ் செய்யும் திறன் கொடுக்கப்பட்டுள்ளது.

6.83 அங்குல அமோலிட் திரை கொண்டது.

திரையின் பயன்பாட்டை சுமூகமாக்கும் வகையில் 144Hz திறன் வழங்கப்பட்டுள்ளது.

பயன்படுத்தும்போது வெப்பம் ஏற்படுவதைக் குறைக்கும் வகையில், வெப்பத் தணிப்பான்களும் உள்ளிணைக்கப்பட்டுள்ளன.

ஒன்பிளஸ் நோர்டு 5 ஸ்மார்ட்போனில் கூடுதலாக, கேம் பிரியர்களைக் கவரும் வகையில், சிபியு மற்றும் உள் நினைவகம் வழங்கப்பட்டுள்ளது.

இதையும் படிக்க | விவோ ஒய் 400 5ஜி இந்தியாவில் அறிமுகமாவது எப்போது? சிறப்புகள் என்னென்ன?