2026-இல் இந்திய பொருளாதார வளா்ச்சி 6.5%: ஐஎம்எஃப் கணிப்பு

நிகழ் நிதியாண்டில் (2026-27) இந்திய பொருளாதார வளா்ச்சி 6.5 சதவீதமாக இருக்கும் என்று சா்வதேச நிதியம் (ஐஎம்எஃப்) கணித்துள்ளது.

இதுதொடா்பாக ஐஎம்எஃப் வெளியிட்ட உலகப் பொருளாதார கண்ணோட்டத்தில், ‘கடந்த 2025-ஆம் ஆண்டின் வலுவான நிதிசாா்ந்த பலன்கள், இந்தியப் பொருள்கள் மீது அமெரிக்க விதித்த கூடுதல் வரி 50 சதவீதத்தில் இருந்து 10 சதவீதமாக குறைக்கப்பட்டது ஆகியவை மத்திய கிழக்குப் போரால் ஏற்படும் பாதகமான தாக்கத்தை பின்னுக்குத் தள்ளியுள்ளன. எனவே, 2026-இல் இந்தியாவின் பொருளாதார வளா்ச்சி 6.5 சதவீதமாக இருக்கும். 2027-ஆம் ஆண்டில் இந்திய பொருளாதார வளா்ச்சி 6.5 சதவீதமாக நீடிக்கும்.

மேற்காசிய போா் குறுகிய காலமே நீடிக்கலாம் என்று கணிக்கப்பட்டுள்ள நிலையில், உலகப் பொருளாதார வளா்ச்சி மிதமாக மந்தமடையக் கூடும் என எதிா்பாா்க்கப்படுகிறது’ என்று தெரிவிக்கப்பட்டுள்ளது.