டாலருக்கு நிகரான ரூபாய் மதிப்பு 3 காசுகள் சரிந்து ரூ. 95.74 ஆக நிறைவு!

மும்பை: இன்றைய அந்நியச் செலாவணி வர்த்தகத்தில், டாலரின் மதிப்பு வலுவடைந்ததாலும், உள்நாட்டுச் சந்தைகள் பலவீனமாக இருந்ததாலும், தொடக்க வர்த்தகத்தில் ரூபாய் அதன் மதிப்பை இழந்து 3 காசுகள் சரிந்து, வர்த்தக முடிவில் ரூ. 95.74 ஆக நிலைபெற்றது.

பிரெண்ட் கச்சா எண்ணெய் விலை உயர்வு, இறக்குமதியாளர்களுக்கு டாலர் தேவை மற்றும் ஈரான் மீதான புதிய அமெரிக்கத் தடைகள் உள்ளிட்டவையால், ரூபாய் - டாலர் வர்த்தகம் குறுகியதாக அந்நியச் செலாவணி வர்த்தகர்கள் தெரிவித்தனர்.

வங்கிகளுக்கு இடையிலான அந்நியச் செலாவணி சந்தையில், ரூபாய் மதிப்பு ரூ. 95.65 என்ற அளவில் வர்த்தகத்தைத் தொடங்கியது. பிறகான வர்த்தகத்தில், ரூபாய் மதிப்பு அதிகபட்சமாக ரூ. 95.64 ஆகவும், குறைந்தபட்சமாக ரூ. 95.75 என்ற நிலையில் வர்த்தகமானது. இறுதியில், அதன் முந்தைய நாள் முடிவை விட 3 காசுகள் சரிந்து ரூ. 95.74 ஆக நிலைபெற்றது.

வெள்ளிக்கிழமையன்று, அமெரிக்க டாலருக்கு நிகரான ரூபாய் மதிப்பு 3 காசுகள் உயர்ந்து ரூ. 95.71 ஆக இருந்தது.