ரூபாய் மதிப்பு உயர்வு: 1 டாலர் - ரூ.94.65! 11 காசுகள் உயர்வு!

மும்பை: சர்வதேச கச்சா எண்ணெய் விலையில் ஏற்பட்ட கடும் சரிவைத் தொடர்ந்து, டாலருக்கு நிகரான இந்திய ரூபாயின் மதிப்பு 11 காசுகள் உயர்ந்து ரூ. 94.65 ஆக நிலைபெற்றது.

ஃபியூச்சர்ஸ் வர்த்தகத்தில், பிரெண்ட் கச்சா எண்ணெய் விலை 2.05 சதவீதம் சரிந்து பீப்பாய் ஒன்றுக்கு 75.50 டாலராக வர்த்தகமானது.

உள்நாட்டு பங்குச் சந்தைகளில் நிலவிய சாதகமான சூழல் மற்றும் வெளிநாட்டு நிறுவன முதலீட்டாளர்களின் வருகை ஆகியவற்றை தொடரந்து ரூபாயின் மதிப்பு உயர்வுக்கு வலுசேர்த்ததாக அந்நிய செலாவணி வர்த்தகர்கள் தெரிவித்தனர்.

வங்கிகளுக்கு இடையிலான அந்நியச் செலாவணி சந்தையில், இந்திய ரூபாய் மதிப்பு ரூ. 94.88 என்ற நிலையில் வர்த்தகத்தைத் தொடங்கியது. பிறாகன வர்த்தகத்தில், நாள் முழுவதும் ரூ. 94.59 முதல் ரூ. 94.93 வரையிலான வரம்பிற்குள் வர்த்தகமானது. வர்த்தக முடிவில், முந்தைய நாள் வர்த்தக முடிவிலிருந்து 11 காசுகள் உயர்ந்து ரூ. 94.65 ஆக நிலைபெற்றது.

நேற்றைய வர்த்தகத்தில், டாலருக்கு நிகரான ரூபாயின் மதிப்பு 13 காசுகள் சரிந்து ரூ. 94.76 ஆக நிறைவடைந்தது.