பகுதி - 462

இப்பாடல் வடகூர் என்ற தலத்துக்கானது.  இத்தலம் புதுச்சேரிக்கு மேற்கே சுமார் 20 கிலோமீட்டர் தொலைவிருக்கிறது என்பது உரையாசிரியர் குகஸ்ரீ தணிகைமணியவர்களுடைய குறிப்பால் தெரிகிறது.  முருகனுடைய திருவடிகளைத் தொழும் பேறு ஒன்றையே வரமாகக் கேட்கும் பாடல் இது.

அமைப்பு முறையில் அடிக்கு ஒற்றொழித்து 25 எழுத்துகளைக் கொண்ட பாடல்.  ஒன்று, மூன்று, ஐந்து ஆகிய சீர்களில் எல்லா எழுத்துகளும் குறில்; இரண்டு, நான்கு, ஆறு ஆகிய சீர்களில் ஒவ்வொரு மூன்றாவது எழுத்தும் நெடில்.

தனதன தனனா தனதன தனனா
      தனதன தனனா                     தனதான

அரியய னறியா தவரெரி புரமூ
         ணதுபுக நகையே                 வியநாதர்
      அவிர்சடை மிசையோர் வனிதையர் பதிசீ
         றழலையு மழுநேர்               பிடிநாதர்
வரைமக ளொருகூ றுடையவர் மதனா
         கமும்விழ விழியே               வியநாதர்
       மனமகிழ் குமரா எனவுள திருதாள்
         மலரடி தொழுமா                றருள்வாயே
அருவரை யிருகூ றிடவொரு மயில்மேல்
         அவனியை வலமாய்             வருவோனே
      அமரர்க ளிகல்நீ டசுரர்கள் சிரமேல்
         அயில்தனை விசையாய்          விடுவோனே
வரிசையொ டொருமா தினைதரு வனமே
         மருவியொர் குறமா              தணைவேடா
      மலைகளில் மகிழ்வாய் மருவிநல் வடுகூர்
         வருதவ முநிவோர்               பெருமாளே.