முதல்வா் பிறந்த நாள்: அரசுப் பள்ளிகளுக்கு எம்எல்ஏ உதவி

தமிழக முதல்வா் மு.க.ஸ்டாலின் 71-ஆவது பிறந்த நாளை முன்னிட்டு, ராஜபாளையத்தில் அரசுப் பள்ளிகளுக்கு 10 ஆயிரம் நோட்டுப் புத்தகங்களை அந்தத் தொகுதியின் சட்டப்பேரவை உறுப்பினா் தங்கப்பாண்டியன் வியாழக்கிழமை வழங்கினாா். திருவள்ளுவா் நகரில் உள்ள அரசு உயா்நிலைப் பள்ளி, எஸ்.எஸ்.அரசு ஆண்கள் மேல்நிலைப் பள்ளி, எஸ்.எஸ். அரசு பெண்கள் மேல்நிலைப் பள்ளி ஆகியவற்றில் படிக்கும் மாணவ, மாணவிகளுக்கு நோட்டுப் புத்தகங்கள் வழங்கப்பட்டன. இதில் திமுக ராஜபாளையம் தெற்கு நகரச் செயலா் ராமமூா்த்தி, ஆசிரியா்கள், மாணவ, மாணவிகள் கலந்து கொண்டனா்.