தஹி ஆலு (குஜராத்)

தேவையான பொருள்கள்:

சின்ன உருளைக்கிழங்கு 10
புளிக்காத கெட்டித் தயிர் 1 கிண்ணம்
கடலை மாவு 3 மேசைக்கரண்டி
நெய் 2 மேசைக்கரண்டி
கிராம்பு, ஏலக்காய் 2
பட்டை சிறு துண்டு
பிரியாணி இலை 1
சர்க்கரை 1/2 மேசைக்கரண்டி
பச்சை மிளகாய் 4
புதினா 1 கட்டு
இஞ்சி சிறு துண்டு
உப்பு தேவையான அளவு

செய்முறை: 

உருளைக்கிழங்கை வேக வைத்து, தோலுரிக்கவும். தயிரில் உப்பு, கடலை மாவு சேர்த்து கரைத்து வைக்கவும். புதினா, இஞ்சி, பச்சை மிளகாய் சேர்த்து அரைக்கவும். பிரியாணி இலை, கிராம்பு, பட்டை, ஏலக்காய் தாளிக்கவும். உருளைக் கிழங்கு சேர்த்து வதக்கவும். அரைத்த புதினா கலவை, சர்க்கரை, தயிர் சேர்த்து கொதிக்க வைத்து இறக்கவும்,