மாங்காய் - ஸ்டஃப்டு பாகற்காய்

தேவையான பொருள்கள்:

பாகற்காய்- 5

மாங்காய்- 1

கடலை மாவு- ஒரு கிண்ணம்

எண்ணெய்- 2 தேக்கரண்டி

மல்லி சீரகப் பொடி, மிளகாய்ப் பொடி, துருவிய தேங்காய்- தலா 1 தேக்கரண்டி

மஞ்சள் பொடி- கால் தேக்கரண்டி

உப்பு- தேவையான அளவு

செய்முறை:

முதலில் பாகற்காய்களை நீரில் நன்கு கழுவி நறுக்கவும். பின்னர் அதில் உள்ள விதைகளை நீக்கி, ஒரு பாத்திரத்தில் போட்டு வேக வைக்கவும். மாங்காயைத் துருவி ஒரு பாத்திரத்தில் வைத்து அதனுடன் தேங்காய் துருவல், மல்லி-சீரகத்தூள், உப்பு, மிளகாய் தூள், மஞ்சள் தூள், எண்ணெய் சேர்த்து நன்கு கலக்கவும்.

இந்தக் கலவையில் பாகற்காயைப் போட்டு பிசறவும். இப்போது அடுப்பில் வாணலியில் எண்ணெய் ஊற்றி சூடானதும், மெதுவாக பாகற்காய்களை ஒவ்வொன்றாக அதில் சேர்க்கவும். பின்னர், தயாரிக்கப்பட்ட கலவையை அதன் மீது சேர்க்கவும். நன்றாக வேகும் வரை வைத்திருந்து, அடுப்பை அணைக்கவும். சூடான மாங்காய்- ஸ்டஃப்டு பாகற்காய் கறி ரெடி.