பச்சைப் புளி ரசம் (அடுப்பும் எண்ணெய்யும் இல்லாமல் ரசம்)

தேவையான பொருள்கள்:

புளி - பெரிய நெல்லிக்காய் சைஸ் மிளகு , சீரகம் - தலா 1 தேக்கரண்டி

பூண்டு - 6 பல் பச்சை மிளகாய், வர மிளகாய்- தலா 1

கொத்தமல்லி இலை, கருவேப்பிலை- சிறிதளவு

சின்ன வெங்காயம் - 6

உப்பு, பெருங்காயம், தண்ணீர்- தேவையான அளவு

செய்முறை:

புளியை 10 நிமிடம் ஊற வைத்து புளி தண்ணீரைக் கரைத்து எடுத்துகொள்ளவும். மிக்ஸியில் மிளகு, சீரகம், பூண்டு சேர்த்து அரைத்து எடுக்கவும். ஒரு பாத்திரத்தில் கரைத்து வைத்திருந்த புளி தண்ணீர் அரைத்து வைத்திருந்த மிளகு, சீரகம், பூண்டு சேர்க்கவும்.

தேவையான அளவு உப்பு பெருங்காயம், பச்சை மிளகாய் வர மிளகாய் சின்ன வெங்காயம் சேர்த்து கொள்ளவும். எல்லாம் சேர்த்த பின் கையால் நன்றாக மசிக்கவும். கடைசியில் கொத்தமல்லி இலை, கருவேப்பிலை சேர்த்தால், சுவையான ரசம் தயார்.