சின்ன குதிரைவாலி போளி

தேவையான பொருள்கள்:

பூரணத்துக்கு...

குதிரைவாலி அரிசி, பொடித்த வெல்லம்- 1 கிண்ணம்

தேங்காய்- சிறிதளவு

நெய்- தேவையான அளவு

போளிக்கு...

தினை மாவு- ஒரு கிண்ணம்

கோதுமை மாவு- அரை கிண்ணம்

செய்முறை:

தினை மாவையும், கோதுமை மாவையும் சலித்து நீர்விட்டு ரொட்டி மாவு பதத்துக்குப் பிசையவும். குதிரைவாலி அரிசியை ஒன்றுக்கு இரண்டாக உடைத்து வேக வைத்துகொள்ளவும்.

வெல்லத்தில் சிறிதளவு தண்ணீர்விட்டு வேக வைத்த குதிரைவாலி அரிசி, தேங்காய், ஏலக்காய், நெய்யைவிட்டு கெட்டியாகக் கிளறவும். பிசைந்து வைத்துள்ள தினைமாவை இட்டு, அதற்குள் பூரணத்தை வைத்து போளிகளாகத் தட்டவும். தோசைக்கல்லில் போளியைப் போட்டு, நெய்விட்டு திருப்பிப் போட்டு நன்றாக வெந்தவுடன் எடுக்கவும்.