மேன்மை மயிலே...

தோகை விரித்து என்முன் இங்குத்

துள்ளும் மயிலே!

வேக மாக நடனம் ஆடும்

விந்தை மயிலே!

வான வில்லின் நிறங்கள் எல்லாம்

வாழ்த்தும் மயிலே!

தானம் செய்யும் வள்ளல் போல

தோன்றும் மயிலே!

நூறு கண்கள் தோகை கொண்ட

நட்பு மயிலே!

மாறு கின்ற நிறங்கள் கழுத்தில்

மின்னும் மயிலே!

கருப்பு மேகம் கண்டே மகிழ்ச்சி

கொண்ட மயிலே!

விருப்ப மழைக்கு வணக்கம் சொல்லி

வாழ்த்தும் மயிலே!

பறவை களுக்கே அரசி யான

புனித மயிலே!

உறவைத் தேட ஆட்டம் ஆடி

ஓய்ந்த மயிலே!

இயற்கை அழகே! துள்ளும் கலையே!

இன்ப மயிலே!

மயக்கும் பாட்டே! மனதில் நிலைத்த

மேன்மை மயிலே!