வகுப்பறை அலப்பறை...

'ஏன்டா? ஜோதியைத் தூக்கிட்டு ஓடுறே..?''

'விளையாட்டுப் போட்டியிலே ஜோதியைத் தூக்கிட்டு ஓட சொன்னாங்க.. அதான்..?''

-நடேஷ் கன்னா, கல்லிடைக்குறிச்சி.

'எல்லா பாடத்திலேயேயும் கம்மியா மார்க் .. முன்னாடி உட்கார்ற பையன் பேப்பரை பார்த்து எழுத வேண்டியதுதானே..?''

'எனக்கு கிட்டப் பார்வை இருக்கே.. மம்மி...'

-பர்வீன் யூனுஸ், சென்னை.

'டீச்சர் அடிச்சாங்களா.. ஏன்டா.. தப்பா சொன்னியா?''

'அவங்க சொன்னது தப்புன்னு சொன்னேன்...''

-பர்வதவர்த்தினி, பம்மல்.

'நான் வகுப்பு எடுக்கறது ரொம்பவே பிடிக்கிருக்கா...? ஏன்டா..?''

'உடனே தூக்கம் வருதே சார்...''

-எம்.சுப்பையா, கோவை.

'ராமு... இரவும் பகலும் மாறிமாறி வர்ற என்ன காரணமுன்னு சொல்லு...?''

'தொடர்ந்து பகலாகவே இருந்தால் சூரியன் சீக்கிரமே எரிஞ்சி சாம்பலாயிடும் சார்.. அதான்..''

-அ.செந்தில்குமார், சூலூர்.