தீமை செய்யா உயர்குடி மக்கள்

உபகாரம் செய்ததனை ஓராதே, தங்கண்

அபகாரம் ஆற்றச் செயினும்,}உபகாரம்

தாம்செய்வ தல்லால், தவற்றினால் தீங்கூக்கல்

வான்தோய் குடிப்பிறந்தார்க்கு இல்.

(பாடல் 69 அதிகாரம்: சினம் இன்மை)

தனக்குச் செய்த உபகாரத்தினை நினையாமல், தம்மிடத்திலே அபகாரத்தையே ஒருவன் மிகுதியாகச் செய்தானானாலும், அவனுக்குத் தாங்கள் மீண்டும் உபகாரமே செய்வதல்லாமல், பிசகியுங்கூடத் தீமையைச் செய்யத் தொடங்குதல், வானளாவிய புகழினை உடைய உயர்குடியிலே பிறந்தவர்களிடத்திலே ஒரு போதும் இல்லையாகும்.